Италийн Милан хотын “IMG Models Milan” агентлагтай гэрээ байгуулж, Монголын загварын ертөнцийн шинэ үеийн тод төлөөлөл болон гялалзаж яваа, загвар өмсөгч Б.Ялгуун “МАК” группийн өв залгамжлагч Н.Мөнгөншагайтай болзож байгаа нь нэгэнт ил боллоо. Хосууд хамт авахуулсан зургаа инстаграмдаа нийтэлж, ихэнх хугацааг аз жаргалтай өнгөрүүлэх болжээ. Өнгөрсөн амралтын өдрөөр хотоос гарч, нохой чаргатай аялал хийсэн хосууд үүний өмнөхөн бас өвлийн зугаалгын зургаа сонирхуулсан.
IMG Models агентлагийн Хөгжлийн хөтөлбөрт хамрагдсан Б.Ялгуун хоёр жилийн өмнө Миланыг зорьж, IMG Models-той гэрээ байгуулах эхний алхмуудаа хийж байсан юм. IMG Development бол залуу моделиудыг нээн илрүүлж, мэргэжлийн хүрээнд бэлтгэдэг хөтөлбөр. Өөрсдийн хүсэлтээр зургаа ирүүлсэн охидоос сонголт хийж, хөтөлбөртөө хамруулдаг, шалгуур өндөртэй давааг давсан анхны монгол охин нь загвар өмсөгч Б.Ялгуун гэдгийг тодотгоё.
Италид байх хугацаандаа тэрбээр Стефано Фучина гэх загвар өмсөгч залуутай болзож байсан. Мэдээж одоо түүний экс найз залуугийн зураг инстаграмаас нь сураггүй алга болж, шинэ хайр дурлалыг нь илтгэсэн хайрын романс хөвөрч байгаа.
Б.Ялгуун, Н.Мөнгөншагай нарын болзоо өнгөрсөн зуны “Play time” наадмын үеэр анх “гэрэл цохиулсан” бөгөөд дараа нь Н.Мөнгөншагайгийн эгч Н.Цэлмүүний хуримын үеэр ил болж, хуримын дараах хилийн чанад дахь аялалд хүртэл хамтдаа явсан.
“МАК” группийн өв залгамжлагч Н.Мөнгөншагайгийн тухайд АНУ-ын Цэргийн академи буюу “West Point”-д суралцаж төгссөн юм.
Д.Атарцэцэг
Factnews.mn
