Брэдли Купер, Ирина Шейк нар одоогоос хоёр жилийн өмнө охинтой болсон билээ. Хос хоёр шинэ хүндээ үлгэр домогт гардаг Леа гэх нэрийг өгсөн байдаг. Төрснөөсөө хойш түргэн хугацаанд “форм”-доо орж, ажлаа хийгээд явчихсан Ирина Шейк ээж болсон нь түүний амьдралд хэрхэн нөлөөлсөн талаар ингэж ярьжээ.
“Охин маань миний амьдралыг тийм ч их өөрчилсөн гэж бодохгүй байна. Харин ч сайнаар нөлөөлсөн. Гэр бүл маань миний бүх зүйл”. Тэрээр W сэтгүүлд өгсөн ярилцлагадаа энэ талаар өгүүлсэн байна. “Бид 21 дүгээр зуунд амьдарч байна. Хүүхдээ төрүүлсний дараа хувцаслах хэв маягаа ч өөрчлөөгүй. Ээж боллоо гээд өөрчлөгдөх албагүй, өөрийнхөөрөө л үргэлжлүүлэн амьдрах хэрэгтэй” гэж тэрээр хэлжээ.
Eagle.mn
