Гахай жилийн сар шинийн баярыг тохиолдуулан Монгол Улсын Ерөнхийлөгч салбартаа өндөр амжилт гаргаж, гавьяа байгуулсан эрхмүүдэд төрийн дээд одон, медаль гардуулах зарлиг гаргасан. Төрийн дээд одон, медаль гардуулах ёслолын ажиллагаа өнөөдөр Төрийн ордонд боллоо.
Монгол Улсын Ерөнхийлөгчийн зарлигаар “Шилдэг өнгө” продакшны захирал, Соёлын тэргүүний ажилтан, жүжигчин С.Өлзийхүүд Монгол Улсын Гавьяат жүжигчин цол хүртлээ.
Гавьяат жүжигчин С.Өлзийхүү “Монголын хошин урлаг болон дэлгэцийн урлагт хоёргүй сэтгэлээр гуч гаруй жил зүтгэснийг минь үнэлж, төрийн дээд шагнал гардуулсанд маш их баяртай байна. Хөдөлмөрийг минь үнэлсэн Ерөнхийлөгч Х.Баттулга болон хамтран уран бүтээл туурвидаг хамт олон, ах эгч, дүү нар, найз нөхөд, үзэгчид, ард түмэндээ талархаж буйгаа ирэлхийлье. Ирж буй гахай жилдээ эрүүл энх байхын ерөөлыг дэвшүүлье. Сар шинэдээ сайхан шинэлээрэй” гэж сэтгэгдэлээ хуваалцлаа.
