Саяхан Лондон хотод болж өндөрлөсөн олимпийн наадмын виндсерфингийн төрөлд хүрэл медаль хүртсэн Польшийн серфингийн тамирчин София Носети-Килепака өөрийн авсан шагналыг дуудлага худалдаагаар худалдаална. Ингэснээр тэр хөрш айлынхаа хүнд өвчтэй таван настай охины эмчилгээнд хандив өргөх боломжтой болно. 26 настай тамирчин бүсгүйн хөрш айлын Жужа охин архаг өвчин болох цистит фиброзоор өвчилжээ. Энэ өвчин бүх дотор эрхтэнүүдийн үйл ажиллагаанд муугаар нөлөөлж, халдвар үүсгээд зогсохгүй амьсгалын замын асуудлуудыг дэгдээдэг байна.
“Би Жужаг энэ дэлхий дээр ирснээс нь хойш таних юм. Тэр бол миний хамгийн үнэнч хөгжөөн дэмжигч. Би түүнд энэ олимпийн тоглолтод оролцож заавал ч үгүй медаль авна гэж амласан. Охин байнга л эмнэлэгт хэвтэж, зовж шаналж байгааг би нүдээрээ үзсэн билээ. Тэгвэл одоо надад түүнд туслах боломж гарч ирлээ” хэмээн София бүсгүй ярьжээ. Охин таван ч удаа мэс ажилбар хийлгэсэн бөгөөд эцэг, эх нь эмчилгээнийх нь зардлыг дөнгөн данган төлж байгаа гэнэ. “Жужагийн биеийг сайн болно гэж бид найдаж байгаа. Иймийн тулд би медалиа зарж байна” гэж тамирчин бүсгүй өгүүлэв. Дуудлага худалдаа болох өдөр товлогдоогүй ч ойрын үед хийгдэх гэнэ. София бүсгүй өөрийн балчир найзын эмчилгээнд зориулж хүмүүсээс хандив өргөхийг хүсчээ.
www.wikimon.mn
