Барьсан цэцэг чинь хатвал чиний сэтгэл дуусах уу
Балалсан үг чинь дарагдсан ч чи мартаж чадах уу
Бодол чинь түрүүлж өнгөд минь хүрсэн гэдгийг
Борхон зүрх чинь мэдчихвэл гомдох болов уу яах бол
Араар гоочилсон чамлалт чинь нүүрэн дээр хувирсан уу
Амлалтаа зөрчих үед чинь итгэлээ нурааснаа мэдэрсэн үү
Амсараа халин байхдаа зүрхээ нэг чагнасан уу
Асгаж орхисон хундага чинь хуучин шигээ дүүрсэн үү
Зургийг минь халаасалчихаад өөр нэгнийг харсан уу
Зураасыг давж нэвтрэхдээ нэг мөсөн шийдсэн үү
Зурс хийх бодолд чинь би байдаг болов уу
Зуны нар шиг харцнаас сүүдрийг илүүд үзсэн үү
Инээдний чинь цаана харамсал төрдөг байсан уу
Ичгэвтэр байдлаа нууж хичнээн удаан амьдрах уу
Илүүг хайн шунахдаа буруугаа ер нь ойлгосон уу
Ийм энгийнийг үгүйсгэж хэдий хүртэл зөрүүдлэх үү
2019-02-24нд
Эх сурвалж http://www.info.mn
