Ханхүү Харригийн нүцгэн охидтой наргиж байгаа зураг энэ сарын 21-ний өдрөөс дэлхийн хэвлэлүүд болон онлайн мэдээллийн сайтуудаар цацагдаж эхэлсэн байна. Английн хатан хааны гэр бүлээс хамгийн дэггүй, болчимгүй үйлдлээрээ олны анхаарлыг байнга татаж, зугаа цэнгэлд улайран дурлагч гишүүн бол Харри юм. Энэ залуу өдгөө Лас-Вегаст найз нөхдийн хүрээнд амарч зугаалж яваа юм. Тэрээр ах УИЛЬЯМААСАА тэс ондоо хүн гэдгээ иймэрхүү олон удаагийн үйлдлээрээ батлаад авсан билээ. Тэгвэл энэ сарын 21-ний өдөр Харригийн биллиард тоглож наргиж байгаа садар зургууд хэвлэлийнхний гарт оржээ. Энэхүү скандал зургийг TMZ портал хамгийн анх олон нийтийн хүртээл болгожээ. Харригийн өнгөрсөн амралтын өдрөөр Лас Вегаст наргисан илэн далангүй зургийг та харж байна.
Зураг дээр Хатан хаан II Елизаветагийн ач хүү бүрэн нүцгэлчихсэн хөнгөн явдалтай бүсгүйчүүдтэй биллиард тоглож байгаа юм. Энэ зугаацал нь нэгэн тансаг зочид буудлын люкс өрөөнд болсон бөгөөд залуус эхлээд усан санд сэлж дараа нь тусгай өрөөнд тухалсанаар үргэлжилжээ. –Харри найз залуучуудаа орой урьсан байсан бөгөөд бааранд эдгээр охидтой танилцаж, дараа нь тусгай VIP өрөө захиалан байрласан… хэмээн TMZ-д бичжээ.
Тэдний хувьд биллиард тоглож эхлэхдээ эр эмгүй бүх хувцсаа тайлсан гэнэ. Энэ мөрий байсан бололтой. Нэгэн урвагч нөхрийн бусдад худалдсан байж болзошгүй зураг дээр нүцгэн ханхүү бас нэгэн шалдан бүсгүйтэй тэврэлдэн их дотно байсан аж. Бүсгүйг байсхийгээд л араас нь тэврэнэ…
Ер нь бол Харригийн толгой эргэм шоу, наргиа Лондонгийн Олимпийн хаалтын дараагаас эхэлсэн гэнэ. Их Британи дахь их ажил дууссаны дараа тэрээр Нэгдсэн улс руу амрахаар оджээ. Түүнтэй хамт дотны найз Том Инскип болон хоёр бие хамгаалагч нь аялалд гарсан гэнэ. Ингээд Лас Вегас дахь хоногийн 7500 долларын үнэтэй таван одтой “Wynn” хэмээх зочид буудалд тухалжээ. Харри очсон өдрөөсөө л эхлэн мөрийтэй тоглож, охидтой зугаацаж эхэлсэн байна.
Р.Слава
