Усны ойролцоо гар утас цэнэглэх нь амь дүйсэн хэрэг болохыг анхааруулж байна

2-66Саяхан ОХУ-ын Чебоксары хотын оршин суугч, 14 настай Юлия Высоцкая ваннтай усанд орж байхдаа цахилгаан гүйдэлд цохиулж амиа алджээ.

Охин усанд орж амрангаа цэнэглэж буй гар утсаараа хөжим сонсож байсан гэнэ. Улмаар гар утсаа ваннтай усанд унагаснаас богино холболт үүсч, цахилгаан гүйдэлд цохиулж ухаан алджээ.

Ухаан алдсан охин дараа нь ваннтай усандаа живж амиа алдсан гэх таамгийг одоогоор гаргаад байна.

Түргэн тусламж ирэхэд тэр амьсгал хураасан байжээ. Үхлийн шалтгааныг нарийвчлан тогтоох ажлыг шүүх эмнэлгийнхэн гүйцэтгэж эхэлсэн байна.

Гар утас цэнэглэхдээ уснаас хол байлгах анхааруулгыг иргэдэд байнга өгч байгаа ч сүүлийн нэг жилийн дотор ОХУ-д ийм шалтгаанаар амиа алдсан хүний тоо гурав болоод байгааг албаныхан мэдээлжээ.

Өнгөрсөн онд 15 болон 12 настай өсвөр үеийнхэн ийм шалтгаанаар амиа алдсан байна.

2017 онд АНУ-ын Нью Мексик мужид 14 настай хүүхэд мөн усанд орж байхдаа цахилгаан гүйдэлд цохиулж цаг бусаар хорвоог орхисон юм. Цахилгааны мэргэжилтэн Андрей Становский “Усанд орох үедээ цэнэглэж буй гар утас хэрэглэх нь ‘Орос рулет’ тоглохтой адил амь насаараа бооцоо тавьж буй хэрэг юм” гэж анхааруулжээ.

Эх сурвалж: Independent


Усны ойролцоо гар утас цэнэглэх нь амь дүйсэн хэрэг болохыг анхааруулж байна
Жиргэх
Манай хуудсанд LIKE дарж нэгдэнэ үү
Түлхүүр үгс:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд MISS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.