Холливудын жүжигчин Николас Кэйж удахгүй дөрөв дэх удаагаа гэрлэх аж. Тэрбээр Холливудын нүүр хувиргагч Эрика Койке гэдэг бүсгүйтэй дотноссон байна. Жүжигчин эр Невада мужийн Кларк тойрогт гэрлэлтээ бүртгүүлэх хүсэлтээ өгчихсөн гэнэ. Николас Кэйж, Эрика Койке нар өнгөрсөн жилээс хойш дотносжээ. Өмнө нь Кэйж гурван удаа гэрлэж байсан юм.
Эхний эхнэр болох Патрися Аркеттэйгээ зургаан жил амьдарсан, хоёр дахь эхнэр нь домогт дуучин Элвис Преслигийн охин Лиза Мария Пресли билээ. Тэд хуримаа хийгээд гурван сарын дараа салцгаасан. Лиза Мария өмнө нь Попын хаан агсан Майкл Жексонтой гэрлэж байв. Гурав дахь эхнэр нь хоол зөөгч Элис Ким гэдэг бүсгүй байсан юм.
Эх сурвалж www.wikimon.mn
