“Оскар”, “Грэмми”-гийн шагналт, Британийн дуучин Адель нөхрөөсөө салсан талаар Ройтерс агентлаг мэдээллээ.
Дуучны хэвлэлийн төлөөлөгч “Тэд салсан ч хүүгээ хайраар дутаахгүй өсгөхөө амласан. Гэхдээ Адель хүүгээ асран хамгаалах болно.” гэж ярьжээ.
Тэрбээр таван жил болзсон, үл хөдлөх компанийн захирал Саймон Конецкитэй 2016 оны зун нууцаар хуримаа хийсэн юм. Тэд 2012 онд Ангело гэх хүүгээ өлгийдөн авсан билээ.
Өдгөө 31 настай Адель 2017 оны “Грэмми”-гийн үеэр хуримаа хийсэн гэдгээ хүлээн зөвшөөрсөн юм. Хос ямар шалтгаанаар гэрлэлтээ цуцлуулахаар болсон нь нууц байна.
Аделийн гаргасан 19, 21 болон 25 цомог нь хамгийн их борлуулалттай цомгуудыг тэргүүлсэн билээ.
