“Walt Disney”-ийн “Нойрсож буй гоо гүнж” хүүхэлдэйн киноноос сэдэвлэсэн “Maleficent” уран сайхны кино 2014 онд нээлтээ хийж, бокс оффисоос 758 сая ам.долларын орлого олсон. Тэгвэл уг бүтээлийн хоёрдугаар анги буюу “Maleficent: Mistress of Evil” аравдугаар сарын 18-нд нээлтээ хийх юм байна.
Дашрамд дуулгахад, Холливудын жүжигчин Анжелина Жоли хамгийн сүүлд 2015 онд “By the Sea” кинонд тоглосноос хойш уран бүтээлийн завсарлага авч, хүүхдүүддээ анхаарал хандуулах болсон. Тэрбээр дээрх бүтээлээр дөрвөн жилийн дараа дэлгэцийн урлагт эргэн ирж байгаа юм.
