Хүлээн зөвшөөрөхөд хэцүү АМЬДРАЛЫН 12 ГАШУУН ҮНЭН

34

Хүлээн зөвшөөрөхөд хүнд 12 хатуу үнэн Хүүхэд нас аа гэж, хүн бүр бөөцийлж аргадаж л өнгөрөөдөг үе. Насанд хүрээд харин шинэ дүрэм дагаж, эцсийн эцэст өөрөө өөрсдөдөө л таалагддагаа цагийн эрхээр олж мэднэ. Амжилтад хөтлөж, мөрөө дэрлүүлж, магтаж урамшуулах хэн ч байхгүй. Биднээс царайлаг, ухаалаг, амжилттай хүмүүс үргэлж байх болно. Амьдралынхаа хаа нэгтээ хүлээн зөвшөөрөхөөс аргагүйд хүргэдэг хатуу үнэн тэгвэл юу вэ?

1.Бусдын төлөө өөрийгөө золих хэрэггүй

“Миний хийсэн бүхэн чиний төлөө” гэсэн сэтгэлд “Чамайг хэн ингэ гэсэн юм” гэх хатуу хариу л ирдэг юм. Шударга байцгаая, таны золиос хэнд хэрэгтэй юм. Ихэнхдээ энэ нь хүмүүсийг эвгүй, тулгамдсан байдалд л оруулдаг.
Хоёр тал харилцан ашигтай үлдэх тохиолдолд л өөрийгөө зольж болно.

2.Ажил чинь алтан медаль өгөхгүй

Тосгоны төлөө адуу хамгийн их зүтгэсэн ч толгойлогч нь болж чадаагүй юмсанжээ. Эрт, орой хэзээ нэг өдөр та ч энэ үнэнтэй нүүр тулж дарга, ажлынхандаа ажлын мал шиг л харагдана. Ингэж өөртөө дарамт, ачаалал нэмж эрүүл мэндээрээ хохирлоо ч танаас бусад нь “фэйсбүүк ухаж”, кофе ууж суусан хэвээр байна. Ажил бол цэцэрлэг биш, боссдоо магтуулаад энгэртээ таван хошуу наалгана гэж бодоо юу?

3.Биеийн галбираа голохгүй байх нь өөртөө анхаарахгүй байна гэсэн үг биш

Суганы үсээ хусаагүй, хумс нь хугарчихсан, ариун цэврийн хэрэгслээс татгалзлаа гээд та нийгмийн догь гишүүн мэт харагдуулахгүй. Body-positivity буюу биеийн галбираа хайрлах хөдөлгөөн бол бусдыг хүндэлж, гадаад үзэмжийг нь голохгүй байх л тухай юм.
“Хөвсгөр гоё” гэсэн хүн үнэндээ залхуу, өөрийгөө хайрладаггүй, хариуцлагагүй байдлыг далдалсан мэт билээ.

4.Гадаад үзэмж чухал

Та дотоод гоо үзэсгэлэн, баялаг ертөнцийн талаар хэчнээн ярилаа ч “Номыг хавтсаар нь дүгнэх” занг хүмүүсийн толгойноос баллуурдаж чадахгүй. Гадаад үзэмж, биеэ авч яваа байдал, харилцааны чадваргүй бол хүмүүсийн анхаарлыг татахгүй шүү дээ. Түүнчлэн өөртөө итгэлтэй, цэвэрч нямбай хүмүүс болзоонд илүү амжилт гаргадаг гэсэн судалгаа ч бий.

5.Сайн хүн байна гэдэг мэргэжил биш

Та гурван хүүхэдтэй, байрны лизингтэй, дөрвөн төрлийн зээлтэй, өвчтэй ээжтэй, сайхан нүдтэй байлаа гээд ажлынхан тань танд сайхан хандах албагүй. Дарга нарт хэзээд ажлын бүтээмж, ур чадвар л сонин байсаар ирсэн. Гараасаа юм гаргахгүй байвал таныг эрх хүчтэй, ажилсаг хүнээр хэзээ ч хамаагүй сольчхож чадна.

6.Дандаа ээжийн зөв байдаггүй

Цагийн эрхэнд эцэг, эхийн үг мөнхийн үнэн, алт шиг сургаал байхаа больдог. Хүүхэд насны энэхүү баримтлал аав, ээж ч гэсэн алдаа, оноотойгоо нийлсэн энгийн л нэг хүмүүс гэдгийг ойлгосноор эцэслэж хэлсэн үгс нь ч туйлын үнэн хийгээд зөв санагдахгүй. Тиймээс үйл хэрэг бүртээ оролцуулж, үгээр нь байх гэсний хэрэггүй.

7.Сурах явц хэзээ ч дуусахгүй 

Орчин цагийн техник технологи хурдтай хөгжиж та, бидний мэргэжил ажлын байртайгаа устах магадлалтай болсон. Арав, арван таван жилийн дараа ч байж магад. Юу вэ гэвэл та хэзээд шинэ зүйл сурч, өөрийгөө боловсруулахад бэлэн байх ёстой. Ингэж л өдрийн хоолтой, орох оронтой байна шүү дээ.

8.Гэртээ хоцорсоор нэг л мэдэхэд мартагдана 

Гуйлгуулах сэтгэлгээ, бардам зандаа баригдаж энгэрээ тэврээд суудаг арга цэцэрлэгийн насныханд л тустай арга. Том болсон хүмүүс ийм тоглоомоос залхсан учир хэзээ нэг өдөр найзууддаа мартагдах л болно. Тэдний буруу биш.

9.Өөртөө итгэх итгэлийг сурдаг юм биш 

Тэрбумын байшинтай, булган дээлтэй, годон гуталтай, спорт машинтай байлаа гээд өөртөө итгэх итгэл шидийн юм шиг бий болчихгүй. Мөрөөдлийнхөө төлөө хөдөлмөрлөж нэг хувьд нь ч болов хүрэхэд л өөрийн үнэлэмж үлэмж нэмэгддэг.

10.Уучлаарай, гэхдээ ертөнц таныг тойрч эргэдэггүй

Маникурт ороод ирсэн чинь ажлынхан тань магтахгүй байна уу? Цалингийнхаа талаар ноолууран пальто авчихаад ирсэн ч тоох хүн алга уу? Тэгвэл битгий сэтгэлээр унаарай. Үүний л адилаар цоорхой оймс, сэмэрсэн шилэн триког тань ч анзаарах хүн байхгүй.

11.Өнөөдрийн та өчигдрийн сонголтынхоо үр дүн

Таны байгаа байдалд хариуцлага үүрэх ёстой хүн бол та. Энгийн байгаа биз. Та Испани хэл мэддэггүй бол сурч чадаагүй нь та. Даргадаа загнуулдаг бол танаас л болж. Гадаадаар аялж, их сургууль төгсөж, гэр бүл зохиож чадаагүй бол таны л хичээл зүтгэл дутсаных юм шүү дээ.

12.Танаас илүү нэгэн үргэлж байдаг

Та 18 насны төрсөн өдрөө тэмдэглэж, инээж хөөрсөөр байтал нэг л мэдэхэд эрчүүд гүзээ, халцархай толгой хоёроо нуухын аргагүй, эмэгтэйчүүд үрчлээгээ далдалж чадахгүй л болно. Энэ үед үнэнтэй нүүр тулж, тайван хандаж хүн бүр өөрийнхөөрөө онцгой гэдгийг санаарай.


Хүлээн зөвшөөрөхөд хэцүү АМЬДРАЛЫН 12 ГАШУУН ҮНЭН
Жиргэх
Манай хуудсанд LIKE дарж нэгдэнэ үү
Түлхүүр үгс:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд MISS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.