Та хайрттайгаа учирснаас хойш өөрийн гараар бэлдсэн романтик оройн зоог барьж байсан уу? Олонхи бүсгүйчүүд “үгүй” гэж хариулах байх. Харин өнөөдөр бүсгүй танд ханьдаа, хайртай залуудаа хамгийн сайхан бэлэг барих боломж байна. Зүрхэн хэлбэртэй халуунхан школаднаас гадна өөр олон сайхан зүйлийг валинтены өдөр хайртдаа бариарай.
Орчин
Түүний дуртай хөгжим, дуртай өнгийнх нь ширээний бүтээлэг, анхилам үнэртэй лаа, нямбай зассан зоогийн ширээ. Дуртай зүйлсийг нь мэдэхгүй бол хамгийн сонгодог хэлбэр бол хүрэн улаан ширээний бүтээлэг тавьж байгалийн үнэрийг санагдуулам лаа асаагаарай. Мэдээж хүн төрөлхтний хайрын оргил Romeo Julieta жүжгийн аяыг тавьж болно. Оройн романтик зоог учраас гэрэл бага зэрэг бүдэг, лааны гэрэлд бүх зүйлс гайхалтай харагдаж байхаар бүрдүүлэх хэрэгтэй.
Ширээ засалт
Энэ оройн бүх зүйл онцгой байх ёстой. Ширээн дээр маслоны хутга, амттаны халбага, амттаны сэрээ, усны стакан, шампаскны хундага, улаан дарсны хундага, цагаан дарсны хундага, шөлний халбага, амны буюу хоолны халбага, хутга, сэрээ, салатны сэрээ байх ёстой. Хамгийн энгийн анхааруулга бол тавагны баруун гар талд хоолны хутга, хоолны халбага, шөлний халбага байх ёстой, харин яг урд талд нь амттаны халбага, сэрээ хоёр байж, зүүн гар талд нь хоолны сэрээ, салатны сэрээ байрлана. Дарсны хундаганууд баруун дээд буланд, харин зүүн дээд буланд маслоны хутгаа тавиарай.
Ширээн дээрх хоол
Түүний хамгийн дуртай хоолыг чин сэтгэлээсээ хий. Мэдээж амттан, самар, нямбай зүссэн жимс зэрэг байх ёстойг анхаарах хэрэгтэй. Бүсгүй танд энэ ажлыг найдаж болох тул дараагийн шатруу шилжье.
Дарс
Романтик оройн зоогт мартаж болохгүй зүйл бол дарс. Өнөөдрийн хувьд чихэрлэг, улаан дарс байх нь тохиромжтой. Дарс чинь хямдхан байх ёсгүй.
Та бол “бэлэг”
Түүнд таалагддаг хамгийн сайхан даашинзаа өмсөөд, хормогч зүүн зогсож байгаа таныг хараад хайрт чинь яах бол? Ингээд энэ оройн хамгийн сайхан бэлэг бол та өөрөө байх ёстой юм.
