Венус нэртэй муур мийгийн төрлийнхнөөс дэлхийн хамгийн алдартай амьтан болов. Биеийнх нь хэсэг бүр өөр өөр ДНХ-тэй, гурван настай муурны Facebook- ийн хуудас болон Youtube дээр тавьсан бичлэг сая сая хүний анхаарлыг татлаа.
Венус муурны нүүрний нэг тал нь хар өнгөтэй бөгөөд нүд нь саарал. Харин нөгөө тал нь улбар шар, нүд нь хөх өнгөтэй. Калифорнийн их сургуулийн профессор, тэжээвэр муурны генетик судлаач эрдэмтэн Дэвис Лионс ийм муур хэзээ ч харж байгаагүйгээ хэллээ.
Олон хүн муурыг химэра хэмээн үзэж байгаа аж. Химера гэдэг нь эс хоёр төрлийн ДНХ-г агуулснаас хоёр үр хөврөл уусах үйл явцаас төрсөн амьтныг хэлдэг байна. Гэхдээ энэ нь мууранд, тэр тусмаа эмэгчинд маш ховор тохиолддог үзэгдэл гэнэ. Муурны хар, улбар шар өнгө хосолсон нь нэг X хромсом илүү байгаагийн шинж ажээ.
Харин эм муур угаас хоёр Х хромсом той учраас илүү хромсомын шаардлагагүй гээр өнгө нь хувирах боломжтой гэнэ. Тэгэхээр Венус химера биш гэсэн үг хэмээн Дэвис Лионс үзэв. Харин муурны нүд цэнхэр байгаа нь түүнийг ихэд гайхашруулжээ. Тиймээс муурны нүүрний хоёр талын арьсны эсээс сорьц авч, ДНХ-г нь судлах юм байна.
