Загварын ертөнцийн мэдээллийг дагнан хүргэх шинэ телевиз Монголд анх байгуулагдаж байгаа билээ. Туршилтын байдлаар үзэгчдэд нэвтрүүлгээ түгээж буй тус телевизийнхэн нээлтийн арга хэмжээгээ энэ сарын 8-нд Нүхтэд хийхээр төлөвлөжээ.
Монголын шилдэг дизайнерууд болон загвар өмсөгчдийг нэгтгэсэн эл шоуны талаар өчигдөр зохион байгуулагчид нь мэдээлэл хийсэн юм. Тус телевизийнхэн дэлхийн жишигт нийцсэн өндөр зэрэглэлийн нэвтрүүлгийг үзэгчдэд хүргэж, түүний зэрэгцээ Монголын загварын ертөнцийг олон улсад таниулах бодлого баримталж буй. Энэ үеэр хамгийн өндөр буюу дөрвөн метр өндөр туфлийг танилцуулна гэсэн. Мөн зураач Д.Отгонбаатар, Б.Орхонтуул нар үзэсгэлэнгийн танхимд бүтээлээ дэлгэх юм билээ. 24 цагаар цацах тус телевиз мөн гадаадын нэвт рүүлэг, шоуг албан ёсны эрхтэйгээр хүргэх аж. Эхний удаа нийслэлд цацаж, цаашид Азийн өндөр хөгжилтэй ул суудад түгээж, Монголын загварын ер төнцийг дэлхийд хөтлөх гүүр болох гэнэ. “Fashion channel Mongolia”-гийн нээлтийн шоунд зориулан монгол ди зайне рууд шинэ коллекц гаргаж байгаа бол, Монголын топ моделиуд хүндэтгэлийн улаан хивсэн дээгүүр алхах аж.
Ж.СОЛОНГО /Mongolnews.mn/
