Яах уу: Болзоот залуу чинь өөр хүнтэй харилцсан байвал…

cca7505b830cf77bf9fde2a5bf8ee441

Чи албан ёсоор бол ганц бие бүсгүй. Гэхдээ мэдээж хааяа болзоонд явдаг, залуустай танилцаж ярилцдаг. Энэ бол ойлгомжтой. Сүүлийн үед нэг давгүй залуу “овоо хараа”-нд чинь өртөөд байгаа бөгөөд анх тэр өөрөө санаачлага гаргаж чамтай танилцсан болохоор чи өөрийгөө түүнд таалагддагт гэдэгтээ зуун хувь итгэлтэй байхын зэрэгцээ түүнтэй тогтвортой харилцаа үүсгэх тухай бодоод эхэлчихсэн байлаа, гэтэл… Яг яаж гэдэг нь тийм ч чухал биш л дээ. Ямартай ч чи түүнийг чамаас гадна өөр бүсгүйтэй харилцаж байгааг мэдлээ.

Бүр илт сээтэгнэсэн мэссэж бичилцэж, уулзах талаар ч ярилцаад амжжээ. “За энэ л юм байна” гэж байсан хамаг найдвар чинь үгүй болж байгаа мэт санагдаж, урам чинь хугарч байгаа байх. Гэхдээ тайвшраад нэг бодоод үз дээ.

Сөрөг шийдэл: “Бүх эрчүүд адилхан” гэдэг статус бичээд tag-лаж орхино. Бусад бүсгүйчүүд ч гэсэн хараад аваг, ямар залуу олон бүсгүйд зэрэг найдлага төрүүлж, өөдгүй зан гаргадгийг. Тэгээд харилцаагаа шууд тасална. Үерхээгүй байхдаа л ингэж байгаа хүн цаашдаа яаж ч мэднэ шүү дээ. Үгүй бол нотлох баримтыг үзүүлж, уурлаад дахиж ийм явдал гаргахгүй болтол нь сургах хэрэгтэй. Юу алдсаныг нь мэдрүүлэхийн тулд, намайг өөрөөс нь өөр залуучууд эргүүлдэг гэдгийг харуулахын тулд өөр залуутай илт сээтэгнэх ч бас болох л юм. Тэр чамайг бусадтай адил гэж бодоод байгаа юм байх даа?

Эерэг шийдэл: Хамгийн эхний эерэг шийдэл бол сөрөг шийдэл дээр бичсэнтэй адил хандлага гаргахгүй байх. Харин үүний оронд мэдээгүй юм шиг л, бас өмнөх шигээ бай. Тэгээд ч хэрвээ чи түүний гар утас, Fb-г нь тагнаж байгаад энэ тухай олж мэдсэн бол бүр дэмий. Учир нь чи өөрөө түүнтэй үерхээгүй байхдаа л, хувийн орон зайд нь халдаад эхэлчихсэн байж шүү дээ. Тиймээс өөрийнхөө хэтэрхий сониуч занг, эрчүүдийг байнга тагнуулдаж байхгүй л бол болохгүй гэдэг бодолтойгоо цуг дарах хэрэгтэй. Мэдээж хэзээ ч амар тайван байдаггүй, дэгэн догонтой, “сенсаци”-тай дурлалыг хүсээгүй л бол шүү дээ. Тэгэхгүй бол чи үүнээсээ болоод юунд ч хутгалдаж магадгүй. Энэ талаар түүнээс тодруулж асуугаад ч хэрэггүй. Зүгээр л чимээгүй аргаар түүнд чамайг ч бас сонирхдог олон хүн байдаг гэдгийг, түүнд өрсөлдөж давуу талаа харуулах шаардлага яаралтай тулгарч байгаа шүү гэдгийг ойлгуул.

Яагаад ингэх ёстой гэж? “Үерхээгүй байхдаа л ингэж байна” гэсэн зэвүүцсэн бодол төрж байгаа ч, үнэндээ тэр чамтай одоохондоо үерхээгүй байгаа учраас л ингэж байгаа гэдгийг ойлго. Албан ёсоор чи түүний найз охин, эхнэрийн аль аль нь биш шүү дээ. Харин болзоот бүсгүй нь. Өөрөөр хэлвэл тэр чамайг баталгаатай өөрийнх нь найз бүсгүй болно гэдгийг мэдэх аргагүй байгаа тийм үе. Хэзээ л бол хэзээ чамд гологдчихож магадгүй, эсвэл та хоёр бүтэхгүй болчихож магадгүй гэсэн айдас түүнд байгаа. Тиймээс л өөртөө өөр сонголтуудыг эртнээс бэлдэж байгаа юм. Тэр өөр хүнтэй сээтэгнэлээ гээд араар чинь тавьж байгаа хэрэг огт биш. Хүн бүрт сонголт хийх боломж бий. Тэр чамайг, чи түүнийг бүрэн сонгоогүй байх үед өөртөө өөр сонголтуудыг ч гаргаж ирэх, “харьцуулсан судалгаа” хийх боломж түүнд, чамд ч бас байгаа.

Харин энэ үед нь хариугаа авч байна гээд албаар нүднийх нь өмнө өөр залууст сээтэн хаявал, угаасаа дөнгөж бүрэлдэж эхлээд байсан эмзэг харилцаагаа чи өөрийн гараар нурааж байгаагаас өөрцгүй. Тэр өөрийгөө огтхон ч буруутгахгүй бөгөөд, чамайг л “ширэн нүүртэй” бүсгүй юм байна гэдэг бат бодлоос өөр юу ч түүнд үлдэхгүй. Түүнийг хардуулах оролдлогыг нууцаар л хийж, дотроос яахын аргагүй малтаад байгаа хор шараа тайлж, түүнд ямар бүсгүй гэдгээ харуулаарай. Ингэхийн тулд түүний хажууд зүгээр л хэн нэг залуугийн дуудлагыг аваад эелдгээр, нүүрэндээ инээмсэглэл тодруулан ярихад л хангалттай. Эсвэл facebook дээр өөртөө хандтай байдаг залуугийн зурагны чинь доор бичсэн асуултанд хариу коммент бич. Угаасаа чиний үг үйлдлийг тандаад сууж байгаа учраас, чамд сэтгэгдэл төрүүлэхийг хүсдэг хүн бол шууд анзаарна.


Яах уу: Болзоот залуу чинь өөр хүнтэй харилцсан байвал…
Жиргэх
Манай хуудсанд LIKE дарж нэгдэнэ үү
Түлхүүр үгс:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд MISS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.

johanny sins busty malaysia tamil girl porn Sweet cheerleader cul Mejor trío de audición nunca girls lick men ass
x brozers casual teen sex