Яах уу: Түүний өөрчлөлт таалагдахгүй бол…

2ba3ad48f0d0a4e44d316ebc5cbf5341

Юуны түрүүнд тэр гадаад төрхөндөө өөрчлөлт хийх зоригтой, эмэгтэй хүнээс дутуугүй өөртөө арчаатай байгаа нь сайн хэрэг. Ихэнх эрчүүд нэг засалттайгаа 5 жил, нэг өмдтэйгээ 3 жил болдог шүү дээ. Гэхдээ чи түүнд огт зохиогүй шинэчлэлийг нь хараад зүгээр л “За за” гээд өнгөрөх биш, хатуугаар хэлэхэд хамт явахаас ч санаа зовмоор байвал яах вэ?

Сөрөг шийдэл: Түүнийг улаан цайм шүүмжлэх. “Ядаж намайг дагуулж явахад яадаг байна аа!” гэж ууртайгаар хэлээд лав л найзуудынхаа шинэ жилийн баяр дээр түүнийг дагуулж очиж чадахгүй гэдгээ илэрхийлэх. Загварын мэдрэмжгүй, сонголт муутайг нь хэлсээр байхад чиний биш, өөртэйгөө яг адилхан дүүрчихсэн толгойтой найзуудынхаа үгийг дагасанд уур чинь хичнээн их хүрч байгаагаа илтгэх. “Ээ энийгээ яачихаа вэ? Алив ингэчих. Илүү эвтэйхэн харагдаж байгаа биз дээ?” гэж ээж нь хүүдээ хэлж байгаа юм шигээр зааж зааварлах. Эсвэл яаж ч хичээгээд түүний шар сортой үсийг хараад писхийтэл гарчихаад байгаа инээдээ дарахгүй байх. Ер нь мэдрэмжээ нуух чинь биенд муу гээ биз дээ?

Эерэг шийдэл: Хамгийн түрүүнд харах өнцгөө өөрчлөх гэж хичээж үзэх. Амьд хөгжмийн хамтлагт тоглодог найз залуугаа заавал өөр шигээ классик сонголттой болгох гэж хичээх нь утгагүй. Түүний хийсэн өөрчлөлт ижилхэн сонирхолтой залуусынхаа дунд ид тренд болж байгаа ч юм билүү? Түүний оронд өөрийгөө тавиад үзээрэй. Хэрвээ тэгээд ч тусыг эс олвол “Өө дажгүй байна л даа. Гэхдээ тэгвэл илүү чамд зохино доо, чиний минь тэр нь их гоё учраас илүү тодруулчихвал зүгээр юм биш үү” гэх мэтчилэн түүнд илүү дээрийг зөвлөсөн маягаар санаагаа ойлгуул. Ярианы утганы 80 хувь нь өнгө аясаас хамаардаг гэдгийг мэдэх үү? Түүнийг сайхан харагдуулахын төлөө загварлаг, мэдрэмжтэй найз охин нь үнэт зөвлөгөөгөө өгч байгаа мэтээр хэлвэл тэр гөжүүдлээд байхгүй л болов уу. Тэр шоолуулах гэж биш, магтуулах гэж л энэ өөрчлөлтийг хийсэн нь ойлгомжтой учраас боломжтой санагдвал, хүсэн хүлээсэн сайхан үгийг нь хэлээд л өгчих. Бүр хэл чинь загатнаад болохгүй байвал “Энэ цамц чинь гоё зузаан болохоор чамайг минь дааруулахгүй байх аа. Гэхдээ би тэнд яг үүн шиг зузаантай, илүү чамин загвартай цамц харсан юм байна. Хамт явж үзэх үү?” мэтээр хэлээрэй.Та хоёр бие биетэйгээ дээд зэргээр ойлголцдог, гомдохоороо аль нэг нь дуугаа хураагаад хэд хоногоор таг болчихдоггүй эв найртай, ээнэгшин дассан хос мөн бол шууд таалагдахгүй байгаагаа хэлсэн нь дээр. Хосууд өөрсдийн бүх мэдрэмжээ бие биетэйгээ хуваалцах ёстой шүү дээ. Таалагдаж байвал таалагдаж байна, үгүй бол үгүй. Гэхдээ энэ үгийг хэлсний дараа тэр түүнийгээ буцааж хэвэнд нь оруулахгүй байсан ч, чиний түүнд хандах хандлага өөрчлөгдөхгүй байх ёстой.

Яагаад ингэх ёстой вэ? Эрчүүд бидэнтэй харьцуулвал бусдын бодолд нэг их анхаарал хандуулдаггүй. Тэд өөрсдөд нь таалагдаж л байвал, дуурийн театрт ч юүдэнтэй цамц, жийнсэн өмдтэйгөө очиж мэдэх л улс. Хамгийн түрүүнд чи түүний зөвхөн өөрөөрөө л байдаг чанарыг нь үнэлэх хэрэгтэй. Хүмүүсийн утгагүй шүүмжлэлээс болж сэтгэл санаагаар унадаг, бат бөх үзэлгүй эрчүүд ямар сул дорой харагддагийг чи мэдэх байх. Гэсэн хэдий ч түүнд чиний үг маш хүндээр тусч магадгүй гэдгийг бодолцоорой. Учир нь чи түүний хувьд онцгой нэгэн, тэр аягүй бол чамд таалагдахын тулд тийм үйлдэл хийсэн ч байж мэдэх юм. Тийм байхад түүнийг хүндэлдэггүй гэдгээ тод томруунаар илэрхийлж, ганц юм ч аятайхан сонгочихож чаддаггүйгээр нь дуудах юм бол, бяцхан жаалхүүгийнх нь ааш илэрч, шарандаа улам зөрүүдэлж ч магадгүй. Түүнийг өөрийнхөөрөө байхад чи оштхон ч саад болж болохгүй. Тэгэх л юм бол та хоёрын харилцааны ноён нуруу ганхана гэсэн үг. Чиний шинэ үсний засалтыг харчихаад, найз залуу чинь ярвайгаад байвал ямар таагүй санагдах бол? Гэхдээ түүнийг энэ өөрчлөлттэйгөө удаан яваасай гэж хүсэхгүй байвал түүнээс ч илүү сайхан сонголт байгаа гэдгийг ойлгуулах гэж л хичээх нь хамгийн зөв юм. Тэгээд ч та хоёрын дурлал гадаад төрхнөөс хамааралтай байдаг үе шатнаасаа аль хэдийнэ өнгөрчихсөн гэдэгт итгэлтэй байна.


Яах уу: Түүний өөрчлөлт таалагдахгүй бол…
Жиргэх
Манай хуудсанд LIKE дарж нэгдэнэ үү
Түлхүүр үгс:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд MISS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.

johanny sins busty malaysia tamil girl porn Sweet cheerleader cul Mejor trío de audición nunca girls lick men ass
x brozers casual teen sex