Чихэрлэг сонгинотой тендерлойн

Завгүй цагийн хуваарь чинь чамайг бүтээлч, шинийг эрэлхийлэгч гэрийн эзэгтэй байхад саад болох ёсгүй шүү. Учир нь дэлхий дээр 1 цаг хүрэхгүй хугацаанд хийж болох амаа долоомоор амтлаг хоол олон бий. Тэдний нэг нь чихэрлэг сонгинотой тендерлойн.

Орцоо цуглуулчихаад дагаад хийгээрэй:
Порц: 4 хүн

1. Орц:
3 хоолны халбага оливийн тос
Үхрийн давтсан гол мах (стейк)
Давс перец
2 дунд зэргийн улаан сонгино
1-2 хоолны халбага бор элсэн чихэр
1 загасан талх
1 хумс сармис
1 атга нарийн ногоо (өөрийн сонголтоор)
Соусанд:
1 хоолны халбага гич
2 хоолны халбага тослог багатай майоннез
1-2 хоолны халбага зөгийн бал

2. Эхлээд соусанд орох бүх орцоо хооронд нь хольж бэлдэнэ.
-Шарах шүүгээгээ цельсийн 160, фарангейтийн 320 градуст урьдчилж халаагаад хайруулын тавгандаа тосоо хийж гал дээр тавина. Үхрийн гол махныхаа тал бүрийг 5 минут шарангаа давс перецээр амтлаад гаргаж тавина.

3. -Үлдсэн тосон дээр нь сонгиноо шараад шаргалтаж эхлэхэд нь бор элсэн чихрээр амтална.
-Загасан талхаа голоор нь хуваагаад шарах шүүгээнд 3-4 минут шарна. Өөрөөр хэлвэл гадна тал нь шаржигнуур мөртлөө дотор тал нь бүлээн, зөөлөн болох үед гаргана гэсэн үг. Шарах шүүгээнээс гаргамагцаа жижиглэж хэрчсэн сармисанд үрж 8 тэнцүү хэсэгт хуваана.