Алдарт дуучин CL “YG ENT-тай” хийсэн гэрээгээ дуусгавар болгосон талаар албан ёсоор мэдэгдлээ. Тэрбээр 2009 онд Өмнөд Солонгосын “YG ENT”-ийн нэрийн доорх “2NE1” охидын хамтлагийн ахлагч, реппер үүрэгтэй дебют хийсэн бөгөөд тухайн цаг үеийн шилдэг охидын хамтлаг хэмээх өргөмжлөлийг авч байсан юм. Гэсэн ч уг хамтлагийн гишүүд зарим нэг хэрэгт орооцолдон 2017 онд “Good Bye” гэх сүүлийн дуугаа гарган тарснаа зарлаж байсан юм.
CL 2013 оны 5-р сард “The Baddest Female” гэх өөрийн соло дуугаа гарган өндөр амжилтыг олсон ба үүний дараа өөрийн хэд хэдэн уран бүтээлээ цацсан юм. 2009 оноос өнөөдрийг хүртэл “YG ENT”-ийн уран бүтээлчээр ажиллаж байсан ч ийнхүү гэрээгээ дуусган гарах болсноо мэдэгдсэн байна.
erennews.mn
