Бүсгүйчүүд биднийг өөртөө татахын тулд…

5dca3679b28393bec1896aa7fe341c4d

Заримдаа би залууст зүгээр л “Мэдрэмжтэй бай л даа” гэж хэлмээр санагддаг. Учир нь тэд анхны болзоон дээрээ нуух гэж ядаж байгаа нүүрэн дээр маань зөшөөрөлгүй буусан “айл”-ын тухай ярихаас эсвэл гайгүй байна даа гэж бодсон гарыг минь “Сайртчихсан юмуу ?” гэж асуухаас ч сийхгүй улс. Сайртаад байх даа яах вэ дээ? Ядаж хуурайшчихсан гэж хэлж болдоггүй л юм байх даа!

Эрчүүд та нар тэгээд яавал бүсгүйчүүдэд таалагдах юм бэ гэж асуумаар байна уу? Доор жагсаачихлаа, унш даа.

Насанд хүрсэн, өөрийгөө үнэлдэг, ухаалаг бүсгүйчүүдэд таалагдахын тулд чи:
1. Хамгийн эхэнд дээрх шиг яриаг хэзээ ч үүсгэдэггүй байх. Эмэгтэй хүний гадаад үзэмжинд ямар ч өө сэв харагдсан түүнийг нь хэлэх, эмчилж эдгээх зүйл зөвлөх бүр ч хэрэггүй. Тэр чинь зөвлөгөө шиг биш харин ч муухайгаар хэлэхэд доромжлоод байгаа мэт эвгүй сэтгэгдэл төрүүлнэ. Ер нь иймэрхүү зүйлсийн тухай ам ангайгаад ч дэмий. Учир нь бид дотроо тэрэнд чинь хангалттай санаа зовсоор байдаг юм.

2. Урьдчилан гаргасан болзооны нөөц төлөвлөгөөтэй бай. Болзоон дээрээ бүсгүйгээсээ юу хиймээр байгаа талаар нь асуугаад тодорхой зүйл хэлж мэдэхгүй байвал нөөц төлөвлөгөөгөө гаргаж ирж ашигла. Үгүй бол “Хаачих вэ? -Харин хаачих вэ?” гэсэн харилцан яриа өрнөхөд хүрнэ. Өөрт нь зориулж ямар нэг юм төлөвлөөгүй байдал ямар ч эмэгтэйд таалагдахгүй. Ялангуяа анхны хэдэн болзооны үед.

3. Юу ярихаа түрүүлж битгий бэлд. Надад нэг ийм туршлага бий. Хамгийн анхны болзоон дээр бид хоёрын дунд миний хийдэг ажлын тухай яриа өрнөж байхад гэнэтхэн л “Ямар машинд дуртай вэ?” гэж асуугаад намайг хариулж дуусав уу, үгүй юу өөрийнхий дуртай машиныг, удахгүй авах гэж байгаа, одоо барьж байгаа машинтайгаа холиод л дуржиганатал нь ярьж эхэлсэн. Өмнөх өдөр нь оройжингоо үгээ бэлдсэн байх аа гэмээр л. Ингэх хэрэггүй ээ залуусаа. Болзооны үеэр ямар ч яриа өрнөж болно. Тэр бүрт тааруулж өөрийнхөөрөө, үнэнээрээ л ярь.

4. Өөртөө итгэлтэй бай. Өөрөө өөрийгөө битгий “мяал” . Үнэхээр би чамд дэндүү гоёдохоор сайхан бүсгүй байсан ч тэр.“Секс хийсний дараа би уг нь ийм хурдан тавьдаггүй юм л даа. Ойрд ядраад…”, “Манай ар гэрийн боломж танайхаас доогуур болохоор чамтай хамт байхад хэцүү байна” гэх мэтээр. Энэ нь яг л бид нарт худалдагч нь өөрөө хүртэл муулаад байгаа бүтээгдэхүүнийг худалдаж авах гэж байгаа юм шиг л сэтгэгдэл төрүүлдэг.

5. Бага ярьж их хий. Энэ нь мэдээж дуугүй суугаад бай гэсэн үг биш. Харин өөрийнхөө тухай бага ярь, харин хэлэх гэсэн зүйлээ үйлдлээрээ харуул.

6. Зөв үедээ жинхэнэ эр хүн, хамгаалагч байж чад. Юу юугүй хүмүүстэй нударга зөрүүлээд гүйгээд байх тухай яриагүй шүү. Бүсгүйдээ тохиолдоод байгаа асуудлыг нь эвтэйхнээр, эв зүйтэйгээр шийдвэрлэж өгөх, гэрт нь хүргэж өгөхдөө орцны үүдэнд аваачаад л орхилгүй гэрийнх нь хаалгаар оруулж өгчихөөд явах ч гэсэн хамгаалж байгаагийн илрэл. Машиныг чинь гарахын аргагүй болгоод өөр хүмүүс машинаа тавьчихсан байвал бүсгүйгээ дулаан газарт оруулж хүлээлгээд өөрөө түргэхэн асуудлыг зохицуулаад ирэх ч жинхэнэ эр хүний чанар шүү.

7. Үргэлж бүсгүй хүнд хүндлэл үзүүл. Орох газрынхаа, машиныхаа, ер нь л замд тааралдах бүх хаалгыг онгойлгож өгөөд эмэгтэйнхээ араас нь ор. Хувцсаа өмсөж тайлахад нь тусла, ядаж л цүнхийг нь барьж өг. Дэргэд нь байгаа л бол өөр хүнтэй ч гэсэн хараалын үг хэллэг, дорд үгсээр битгий харьц. Бусдыг ялгаварлаж харьцдаг залуусыг бид хамраа сөхөгчид гэж нэрлэдэг!

8. Бүсгүйчүүд өөрсдийг нь магтахаар худлаа ярилаа гэнэ, үнэнийг нь хэлэхээр гомдчихно. Яг яах ёстой юм бэ? гэж эрчүүд ярьдаг. Магтаалын үгээ үнэнийг хэлж байгаа мэтээр хэлэхэд л болно шүү дээ. Энэ чинь л бүсгүй хүнийг цэцэг шиг ургуулах эр хүний чадвар.

9. Юу хийх гэж байгаагаа асуух хэрэггүй. Зүгээр л хий. “Би чамайг үнсэж болох уу?”, “Гарнаас чинь барьчих уу?” ийм асуултууд хэнд ч хэрэггүй. Ингэж асуухаар чинь бид “За, тэг тэг” гэх үү, “Үгүй ээ, болохгүй” гэх үү? Эцэст нь ихэнх бүсгүйчүүд хүсч байсан ч “Үгүй” эсвэл “Дараа нь” гэсэн хариултыг хэлдэг. Бүсгүйгээсээ аливаа зүйл дээр зөвшөөрөл авах нь зөв ч яг иймэрхүү зүйлсийг орхичих.

10. Мэддэггүй хэрнээ мэдэмхийрэх бас л хэрэггүй. Мэдэхгүй гэдгээ зүгээр л хэлэхэд хангалттай. Сүүлд нь бүсгүй үнэнийг мэдвэл юу ч чаддаггүй гэдэг дээр худалч гэдэг цол бонус болж нэмэгдэнэ. Хамгийн муугаар бодоход хоёр муу нэртэй байснаас нэг муу нэртэй байсан нь дээр биш гэж үү? Гэхдээ дийлэнх бүсгүйчүүд ямар ч залуу өөрт нь үнэнээ хэлсэн тохиолдолд түүнийг юу ч чаддаггүй гэж муугаар боддоггүй л юм даа. “Аан” гээд л тоохгүй өнгөрнө.

11. Хэтэрхий харамч зан эрчүүдэд зохихгүй. Өө, бурхан минь, анхны болзоон дээр хүртэл бүсгүйгээрээ даалгах гэж оролддог бүдүүлэг занг ээ… Бүсгүй чинь чамайг болзоонд уриагүй л бол тэр үдэш чиний халааснаас зарлага гарна гэдэгт эртнээс сэтгэл санааны болон эд материалын бэлтгэлтэй байх хэрэгтэй.

12. Байгаа газрынхаа үйлчилгээний ажилчидтай эвтэйхэн харьц. Бүр эелдэг найрсаг биш ч гэсэн бүдүүлэг зан битгий гарга. Үнэхээр уур хүрмээр цухалдам байсан ч бүсгүйнхээ дэргэд түргэн зангаа битгий үзүүл. Дээрэнгүй зан чинь чамд -10 оноо л авчирна.

13. “Өр зөөлөн” болох гэж жүжиглэх хэрэггүй. Нэг залуу бид хоёрын анхны болзооны үеэр гудамжаар алхаж яваад жижиг гөлөг харчихаад хажуугийн ресторан руу орж хоёр шиг бууз авч өгснөө “Би ингээд зүгээр өнгөрчихөж чаддаггүй юм аа”, “Гөлөг болгон л миний багадаа тэжээдэг байсан Бобби шиг харагдаад байдаг юм” гэж билээ. Түүнээс хойш 4 ч удаа уулзахад бяцхан гөлөгнүүдийн дэргэдүүр хэд хэд өнгөрсөн. Харин тэр яасан гээч? Анзаараа ч үгүй юм даа. Бүсгүйчүүд бид уян зөөлөн ч, өрөвдүүлэх, магтуулах гэсэн зорилготой худал үгсийг дорхноо таньж чадна шүү.

14. Хэтэрхий уран цэцэн ярих хэрэггүй. Тэгэх тусам худлаа байдгийг бүсгүйчүүд харин ч мэдэх болохоор тийм зүйлд бэлдэх ч хэрэггүй. Жинхнээсээ дурласан залуу өөрийн гайхамшигтай бүсгүйн өмнө сандарч мэгдэнэ үү л гэхээс биш уран цэцэн үг урсгаад суухгүй л болов уу. Дурласан хүний үг тархинаас биш зүрхнээс гардаг гэдэг байх аа.

15. Тэр маш үнэ цэнэтэй эмэгтэй учраас түүнд шалтгаангүйгээр үргэлж бэлэг өгч бай. Заавал үнэтэй чамин байх албагүй шүү дээ. Тэртээ тэргүй бүсгүйчүүд өөрт нь өгье гэсэн хүсэл, таалагдана даа гэж авсан сэтгэлд чинь л баярладаг улс.

16. Сонсож чаддаг бай. Өөрийнхөө тухай, бусдын тухай үзэл бодол, зовлон жаргалаа ярьж байхад нь түүнийг сонсч өг. Гэхдээ сонсож дуусаад цэцэрхэх хэрэггүй. Бид ихэвчлэн зөвлөгөө хүсч биш, зүгээр л хуваалцах гэж ярьдаг.

17. Өмнөх найз бүсгүйнхээ тухай асуугаагүй л бол битгий ярь. Асуусан ч түүний сексийн чадвар, хэрхэн салсан тухай түүхээ гэх мэт дэлгэрэнгүй ярих хэрэггүй. Бид өмнөх найз залуутайгаа өнгөрүүлсэн халуухан шөнийнхөө тухай ярьж эхэлвэл та нар яаж байж ядахаа бодоод үз дээ?

18. Харилцааны эхэн үед “Гарын хоолыг чинь идмээр байна.” гэж битгий хэл. Иймэрхүү гэрийн ажил хийлгэх тухай яриа бүсгүйчүүдийг тавгүйтүүлдэг. Тэгээд ч тэр чамд хоол хийж өгөөсэй гэж хүсч байгаа юм бол түүнд хийх хүслийг нь төрүүл. Үгүй бол энэ талаар яриад хэрэггүй.

19. Зүгээр гэж хэлээд байхад хэтэрхий олон удаа уучлалт гуйх хэрэггүй. Үйлдэл бүртээ уучлалт гуйж бөндөгнөөд л… “Хөөе, өнөө орой хэлсэн уучлаарай гэдэг үгний чинь тоо арваас давчихлаа, залуу минь. Одоо болно, би зүгээр гэж хэлээд байна.” Ийм үг сонсох гээгүй юм байгаа биз дээ. “Уучлаарай” хэтрэх тусам чи түүнд боловсон гэхээсээ илүү өөртөө итгэлгүй, арчаагүй харагдана.

20. Бусдыг муулах хэрэггүй. Ялангуяа өмнөх найз бүсгүйгээ. Тэр бүсгүй та хоёрын хооронд чухам юу болсныг та хоёр л мэднэ. Бусад хүмүүс мэдэх алба ч байхгүй. Тэгээд ч түүнийг муулж байгаа юм чинь намайг ч муулж байж мэднэ гэж бодогдоно. Ер нь тиймэрхүү аахар шаахар зүйл ярьдаг эрчүүд бүсгүйчүүдэд таалагддаггүй.

21. Хэтэрхий их тайлбар битгий тавь. Угаасаа цаашдаа байгаа байдлаас чинь л үнэн хүссэн хүсээгүй мэдэгдэнэ шүү дээ. Тайлбар чамайг аврахгүй харин ч бие даасан биш, өөртөө итгэлгүй, жаахан хүүхэд шиг харагдуулна. “Уг нь миний нүүр аягүй цэвэрхэн байдаг байхгүй юу, сүүлийн үед тамхи арай л их татаад байгаагаас болоод баахан юм гарчлаа. Удахгүй зүгээр болчихно оо, санаа зоволтгүй.”, “Уг нь би IPhone 5 –тай л даа. Дүү маань утсаа хаячихаад, өнөөдөр хэрэг болоод байна гээд утсыг маань аваад явсан. Тэгээд л ийм тооны машин шиг юм бариад явж байна даа.” гэх мэт.

22. Болзооны үеэр утсаар ярихдаа худлаа битгий хэл. Түүнтэй хамт ресторанд байгаа мөртлөө ажил дээрээ байна гэж хэлэх, болзоо дөнгөж дундаа орж байхад удахгүй очлоо, гарч байна гэж хэлэх гэх мэтээр. Ингэж ярьж байгаа хүнд юм найдах талаар бодоод ч хэрэггүй юм байна даа л гэсэн бодол төрнө. Үнэхээр аргагүй байвал өөр газарт очиж байгаад ярь.


Бүсгүйчүүд биднийг өөртөө татахын тулд…
Жиргэх
Манай хуудсанд LIKE дарж нэгдэнэ үү
Түлхүүр үгс:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд MISS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.

johanny sins busty malaysia tamil girl porn Sweet cheerleader cul Mejor trío de audición nunca girls lick men ass
x brozers casual teen sex