Жүжигчин Женнифер Энистон удахгүй болох хуримандаа идэвхтэй бэлдэж байна. Тэрээр хурим хийх газраа товлосон
бөгөөд даашинзаа оёулах загвар зохион бүтээгчээ ч сонгожээ. Ганцхан зүйл л түүнд таалагдахгүй байна. Тэр нь найз залуугийнх нь хамар гэнэ. Иймд жүжигчин бүсгүй сүйт залуугаа пластик мэс засалч дээр аваачихаар шийдэв. Жастин Теругийн өвөрмөц төрх Женниферт тийм ч таатай санагдахгүй байгаа бололтой. Энистон найз залуугаа өөрчлөхөөр шийдсэн ч Теру үүний эсрэг байгаа юм.
“Женнифер түүнийг байнга л өөрийн нөхөр асан Брэд Питтэй харьцуулдаг нь Теруд залхуутай санагдах болсон. Жастин цэмцгэр, хямсгар залуу биш. Гэхдээ л тэр 20 жилийн өмнөхөөс түүний хамар илүү том, шонхор харагдаж байгааг ойлгож байгаа. Сүйт бүсгүй нь ч үүнийг таалахгүй байгааг мэднэ” гэж эх сурвалжууд өгүүлэв.
Харин Энистон бүсгүй найз залуугаа хурхирахыг нь болиулах хүсэлтэй байгаагаа илэрхийлжээ. Хуримын анхны шөнө хажууд нь дүнгэнэтэл хурхираад байвал хэцүү гэдэг нь ойлгомжтой. Хуримын хувьд Жастин бүх асуудлыг Энистонд даалгажээ. Бүсгүй хуримын ёслолоо энэ ондоо багтаан Мексик улсын наранд шарлагын газар хийх юм.
www.wikimon.mn
