Секс хүслийг өдөөдөг амин дэмүүд

ханиад540_700x700

“Дараа болъё оо” биш “Тийм ээ, хүсч байна, яг одоо” гэж хэлдэг болгох амин дэмүүд…

Хөнжилдөө хэвтэж байгаа хайртыгаа харахаар өмнө нь бүсэлхийнээс доогуурх хэсэг нь нүдэнд тусдаг байсан бол одоо зөвхөн дааруулахгүй, тухтай хонуулах, зөөлөн гарыг нь дэрлэх нь л чухал санагдах болж. Танил сонсогдож байна уу? Өдөр ирэх тусам либидоны уналтанд орсон хүмүүс хаа нэг газраас тусламж, асуултынхаа хариуг хайж байна.

Хайрт чинь өмнөхөөсөө халуухан биш болчихсондоо эсвэл чи бэлгийн хөрөлтөнд орчихсондоо ч ингээд байгаа юм биш. Чамд зүгээр л тодорхой амин дэм, эрдэс бодис дутагдаад дур хүсэл чинь унтарчихсан байх. Либидоны дутагдал хэдий эмэгтэйчүүдийн 50 хувьд тохиолддог ч үүнийг буцаагаад өрдөх их амархан шүү!

E амин дэм
E амин дэм нь цусны эргэлтийг сайжруулдаг маш хүчтэй антиоксидант. Үүнийг сексийн амин дэм ч гэж нэрлэдэг. Цусны эргэлт сайн байх нь сексийн хүслийг нэмэгдүүлэхээс гадна бэлгийн үйл ажиллагаанд ч чухал үүрэг гүйцэтгэдэг. Хамгийн олдоц сайтай E амин дэмийн хэлбэрүүд нь алфа-токоферол болон гамма-токоферол юм. Байгалийн гаралтай дээрх хоёр хэлбэрийг нь агуулсан бэлдмэл уух юм уу, E амин дэмээр баялаг хүнсийг түлхүү хэрэглээрэй. Самар, үр, бууцай, киви, манго, улаан лооль, ургамлын тос, хушга, өндөгний шар гэх мэт.

C амин дэм
Витамин C нь E-ийн “өрөөсөн дугуй” л гэсэн үг. E амин дэм нь C-гийн тусламжтайгаар л артерийн судсан дах цусны эргэлтийг идэвхжүүлж чаддаг. Цитрусын төрлийн жимснүүд нь C амин дэмийн хамгийн натураль хэлбэр юм.

B-гийн цогц амин дэм
B-1, B-2, B-3, B-5, B-12 зэрэг амин дэмүүд нь цусанд шууд очиж нөлөөлдөг. Ялангуяа B-12-ыг оюун санааны гутралд орсон хүмүүсийн эрч хүчийг нэмэгдүүлэх, сэтгэл санаа сайжруулах зорилгоор уухыг зөвлөдөг юм. Энэ нь сексийн амьдралд ч бас мэдэгдэхүйц эерэг нөлөөтэй. Мөн цусны эсүүдийг томруулдаг учраас бэлгийн өдөөлтийг хурдасгадаг. Харин B3 нь богино хугацаанд хүчтэй энерги ялгарах тогтолцоонд сайнаар нөлөөлдөг ба мэдрэмтгий болгож, аливаад үзүүлэх хариу үйлдлийг эрчимжүүлдэг тустай . Мэдрэлийн эрүүл мэндэд ч сайн энэ амин дэм нь нандин эрхтэн рүү чинь цус дүүргэж, дур тавилтанд амархан бэлтгэдэг юм. Бор будаа, бүхэл үрийн талх, туна загас, элэг, газрын самар зэрэг B3-ын эх үүсвэрүүд олон бий.

Цинк
Хааяа төрдөг “Харахаар л бүр нэг хазаад авмаар” санагдах мэдрэмж бол тестостерон гормоны нөлөө. Эр, эм ямар ч хүний тестостерон бага байвал секс хийх тухай бодол толгойд бараг орж ирдэггүй. Цинк нь тестостероны үйлдвэржилтийг нэмэгдүүлдэг бөгөөд үүнийг бууцай, хулуу, сармис зэргээс олж авч болно.

Фолийн хүчил
Фолийн хүчил нь нөхөн үржихүйн хамгийн чухал витамин юм. Хэрэв чи ойрын хугацаанд хүүхэдтэй болохоор төлөвлөж байгаа бол ханьтайгаа хоёулаа өдөр тутам фолийн хүчил тогтмол хэрэглэж заншаарай. Энэ нь төрөхийн гажиг үүсэхээс хамгаалж эрчүүдийн сперм дэх эр бэлгийн эсийг нэмэгдүүлдэг. Авокадо, наранцэцгийн үр, газрын самар, бүйлс, бууцай, чинжүүнд ихээр агуулагддаг.


Секс хүслийг өдөөдөг амин дэмүүд
Жиргэх
Манай хуудсанд LIKE дарж нэгдэнэ үү

Сэтгэгдэл бичих

АНХААРУУЛГА: Уншигчдын бичсэн сэтгэгдэлд MISS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.