Залуус аа, бид та нарт зориулаад багахан зөвлөгөө өгөхөөр шийдлээ. Яагаад гэвэл та нар оралыг буруу, маш буруу хийгээд байна. Бие маань ховорхон удаа өөрийгөө “нээдэг” учир ороод уншаад, мэдээд аваарай. Тэгээд одооноос оралыг яг ингэж хий. Үүнийг чаддаг болчихвол чинь бид ч бас чамд сайн дураараа хариу барьж болох л юм.
Гоймонтой шөл биш сүүн кремтэй бялуу шигээр
Сор сор, бас дахин сор биш шүү дээ! Зөөлөн, янаг, бялуу амталж буй мэтээр хийгээсэй гэж бид хүсч байна. Орал чинь хайрлах урлаг, залуу минь. Өөрсөддөө юу сайхан санагддагтай андуураад байдаг юм шиг байгаа юм.
Хацраа жаахан цааш нь
Хоёр гуянд минь тээр болоосой гэж бас сахлаараа эмзэг арьсыг минь ураасай гэж хүсэхгүй л байна. Хацраа арай жаахан холдуулаад, тэр зайнаас хийгээд өгөхгүй юу?
Хариу хэрэггүй дээ
“Баярлалаа. Гэхдээ би чинийхийг яг одоо хүсэхгүй байна, уучлаарай”. Сексийн үеэр ингэж хэлэх амар гэж бодож байна уу? Үгүй шүү, тэр тусмаа бүх зүйл ийм сайхан өрнөж байхад бүр ч үгүй. Хүсээгүй байхад хийлгэсэн зүйл үр дүн нь тийм ч сайн биш байдаг учраас хариу хүлээхээ л больчих. Тэгвэл чамд бид өөрсдөө очоод хийж өгч ч магадгүй.
Шүлсээ, шүлсээ…
Секс=Нойтон болно. Мэдээж л дээ. Гэхдээ усан эсвэл шүлсэн далай л лав биш. Биеийн маань доод хэсгийг сэлж байгаа мэт санагдуулахыг хүсээгүй л бол хэт их шүлсээр норгодгоо боль. Зүгээр л орал хий.
Муурын харц л биш шүү
Сексийн үеэр хайртай хүнийхээ нүд рүү харах гүнзгий мэдрэмж төрүүлдэг боловч оралын үеэр ялангуяа эрчүүдийнх “Харц чинь нэг л биш ээ” гэж хэлмээр л болчихдог шүү. Хийж байх үедээ нухацтайгаар дээш харах нь биднийг “Миний юу зүгээр байгаа болов уу?”, “Яг одоо ямар харагдаж байгаа бол” гэх мэт лав сексээс шал өөр бодлыг төрүүлж орхидог. Тиймээс бүсгүйнхээ ямархуу тачаангуй гэдгийг, сэрэл нь хэр хөдөлж байгааг шалгахдаа зүгээр л хараарай. Жигтэй, нууцлаг харц лав биш шүү. Тав тухгүй болгочихно.
Дэндүү хурдан ч бас биш
Хичээл зүтгэлийг чинь үнэлж байгаа ч дэндүү хурдан хийгээд байх үед бид хурдын тухай бодохоос биш хүслийн талаар ор тас мартчихдаг. Оргил үед нь л бидэнд хурдаа мэдрүүл. Түүнээс биш дөнгөж эхэлчихээд өвтгөх гээд байвал шууд л “унтарч” орхино шүү.
Эцэст нь хэлэхэд хийж өгөх ёстой гэж биш “хайрлах” гэж л хийж өгөөрэй. Тэгвэл бид гомдоллохгүй. Тэгвэл бид жаргалтай байх болно.
