SAG Шагнал гардуулах ёслол: Онцлох үйл явдлууд

26th Annual Screen Actors Guild Awards - Inside2019 онд бүтээгдсэн дэлгэцийн уран бүтээлүүд болоод тэдгээрийн кино урлагийн салбарт авчирсан ахиц дэвшил, амжилт бүтээлийг үнэлэн хүндэтгэхээр 26 дахь удаагийн Screen Actors Guild Awards буюу SAG шагнал гардуулах ёслол энэ сарын 19-ний өдөр болж өндөрлөлөө.

Шинэ үеийн болоод кино урлагийн салбарт аль хэдийн нэрээ тамгалж алдаршсан олон жүжигчин, найруулагчид цугласан энэ оройн дурдахгүй өнгөрч боломгүй үйл явдлын нэг нь ‘Parasite’ кино “Шилдэг баг” шагналыг хүртсэн явдал байв.

Parasite киноны баг “Шилдэг Баг” шагналаа авч буй нь

“Алиалагч үгүй хошин шог, хорон санаат үгүй эмгэнэл” хэмээн найруулагч нь тодорхойлсон “Parasite” хэмээх кино нь 2019 оны тавдугаар сарын сүүлээр олны хүртээл болсон бөгөөд өмнөд Солонгосын алдарт найруулагч Bong Joon Ho-гийн ээлжит нэгэн гайхамшиг билээ. Баян ба ядуу амьдралын ялгаа, капитализмыг тун онцгой хийгээд ухаалгаар харуулсан энэхүү кино 132 минутын туршид үргэлжилдэг.

Parasite киноны хэсгээс

Инээд, гуниг, уур уцаар, айдас гээд бүхий л мэдрэмжийг хослон мэдрүүлж, киноны туршид “Цаашид яах бол?” гэсэн догдлолыг төрүүлж чадсан энэхүү бүтээл Азийн кино урлагийг дэлхийн тавцанд гаргаж чадсан юм. Тэд энэ оны “Алтан Бөмбөрцөг” наадмаас “Шилдэг Гадаад Кино” шагналыг хүртээд зогсохгүй “Оскар”-ын шагнал гардуулах ёслолд “Шилдэг Найруулагч”, “Шилдэг Кино Зохиол”, “Шилдэг Зураглал”, “Шилдэг Гадаад Кино” зэрэг нийтдээ зургаан төрөлд нэр дэвшээд байгаа юм.

“Алтан Бөмбөрцөг” наадмын үеэр найруулагч Bong Joon-Ho шагнал гардан авахдаа “Хадмал орчуулга гэх ганцхан инчийн хязгаарыг давж чадвал илүү гайхалтай олон кинотой танилцах болно” хэмээн хэлсэн нь кино сонирхогчдыг хэсэгтээ шуугиулаад байсан. Ганцхан өгүүлбэр хэдий ч бусад орны бишрэм кино, дэлгэцийн бүтээлүүд зөвхөн хэлний ялгаанаас болж хүртэх ёстой амжилтдаа хүрч чадахгүй буйг ойлгуулаад амжсан.

Гэвч энэхүү заагийг бага багаар ч болтугай эвдэн урагшилж буй энэхүү киног та ч бас үзэж амжаагүй бол сонирхоод нэг үзээрэй. Ямар нэгэн трейлэр, ярилцлага, тайлбар гээд энэхүү кинотой холбоотой юуг ч үзэлгүйгээр шуудхан л киногоо үзэхийг зөвлөж байна. Гайхалтай зураг авалт, маш олон нарийн деталь хийгээд симболизмуудаар дүүрэн тул сайн анхаарч үзээрэй.

Найруулагч Bong Joon-Ho “Алтан бөмбөрцөг” наадмын үеэр

Энэ оройн бас нэгэн онцлох явдал нь яахын аргагүй жүжигчин Joaquin Phoenix “Шилдэг Жүжиглэлт” шагналыг “Joker”-н дүрээр авсан явдал байсан бөгөөд тэрээр шагналаа гардан авахдаа өмнөх Joker-н дүрээр алдаршсан жүжигчин асан Heath Ledger-ийг дурдан, хүндэтгэл үзүүлсэн юм.

Жүжигчин Joaquin Phoenix шагналаа гардан авч буй нь

 

Жүжигчин Joaquin Phoenix, Heath Ledger-ийн хамт, 2006 он

Харин эмэгтэй “Шилдэг Жүжиглэлт” шагналыг Renee Zellweger Америкийн алдарт жүжигчин, дуучин “Judy Garland”-н амьдралаас сэдэвлэн бүтээсэн “Judy” киноны гол дүрээр хүртжээ.

Жүжигчин Renee Zellweger шагналаа хүртэж буй нь

Үүнээс гадна “Шилдэг Эрэгтэй Туслах Дүр” шагналыг жүжигчин Brad Pitt “Once Upon In Hollywood” киногоороо хүртсэн бөгөөд шагналаа авчихаад хамгийн түрүүнд “Үүнийг би Tinder /Танилцах сайт/-ийнхээ танилцуулах хэсэгт бичих хэрэгтэй байх” хэмээн хошигноод амжсан юм.

Жүжигчин Brad Pitt- Шилдэг Эрэгтэй Туслах Дүр

Харин түүний хуучин эхнэр, үзэсгэлэнт Jennifer Aniston “Цуврал бүтээлийн Шилдэг Эмэгтэй Жүжигчин” шагналыг “The Morning Show” цувралаараа хүртсэн бөгөөд тэднийг ахин хамтад нь харах гайхалтай байсныг дурдах хэрэгтэй биз ээ.

Жүжигчин Jennifer Aniston SAG 2020 шагнал гардуулах ёслол дээр

Жүжигчин Brad Pitt, Jennifer Aniston нар ахин нэг удаа хамтдаа

Ингээд та бүхэнд энэ үдшийн шагналын эздийн бүтэн жагсаалтыг хүргэж байна.

“ШИЛДЭГ КИНО БАГ”

  • Bombshell
  • The Irishman
  • Jojo Rabbit
  • Once Upon a Time in Hollywood
  • **Parasite**

“ШИЛДЭГ ЭМЭГТЭЙ ГОЛ ДҮР”

  • Cynthia Erivo, Harriet
  • Scarlett Johansson, Marriage Story
  • Lupita Nyong’o, Us
  • Charlize Theron, Bombshell
  • **Renee Zellweger, Judy**

“ШИЛДЭГ ЭРЭГТЭЙ ГОЛ ДҮР”

  • Christian Bale, Ford v Ferrari
  • Leonardo DiCaprio, Once Upon a Time in Hollywood
  • Adam Driver, Marriage Story
  • Taron Egerton, Rocketman
  • **Joaquin Phoenix, Joker**

“ШИЛДЭГ ЭМЭГТЭЙ ТУСЛАХ ДҮР”

  • **Laura Dern, Marriage Story**
  • Scarlett Johansson, Jojo Rabbit
  • Nicole Kidman, Bombshell
  • Jennifer Lopez, Hustlers
  • Margot Robbie, Bombshell

“ШИЛДЭГ ЭРЭГТЭЙ ТУСЛАХ ДҮР”

  • Jamie Foxx, Just Mercy
  • Tom Hanks, A Beautiful Day in the Neighborhood
  • Al Pacino, The Irishman
  • Joe Pesci, The Irishman
  • **Brad Pitt, Once Upon a Time in Hollywood**

“ЦУВРАЛ БҮТЭЭЛИЙН ШИЛДЭГ КИНО БАГ”

  • Big Little Lies
  • **The Crown**
  • Game of Thrones
  • The Handmaid’s Tale
  • Stranger Things

“ЦУВРАЛ БҮТЭЭЛИЙН ШИЛДЭГ ЭМЭГТЭЙ ЖҮЖИГЧИН”

  • **Jennifer Aniston, The Morning Show**
  • Helena Bonham Carter, The Crown
  • Olivia Colman, The Crown
  • Jodie Comer, Killing Eve
  • Elisabeth Moss, The Handmaid’s Tale

“ЦУВРАЛ БҮТЭЭЛИЙН ШИЛДЭГ ЭРЭГТЭЙ ЖҮЖИГЧИН”

  • Sterling K. Brown, This Is Us
  • Steve Carell, The Morning Show
  • Billy Crudup, The Morning Show
  • **Peter Dinklage, Game of Thrones**
  • David Harbour, Stranger Things

“КОМЕДИ ЦУВРАЛ БҮТЭЭЛИЙН ШИЛДЭГ КИНО БАГ”

  • Barry
  • Fleabag
  • The Kominsky Method
  • **The Marvelous Mrs. Maisel**
  • Schitt’s Creek

“КОМЕДИ ЦУВРАЛ БҮТЭЭЛИЙН ШИЛДЭГ ЭМЭГТЭЙ ЖҮЖИГЧИН”

  • Christina Applegate, Dead to Me
  • Alex Borstein, The Marvelous Mrs. Maisel
  • Rachel Brosnahan, The Marvelous Mrs. Maisel
  • Catherine O’Hara, Schitt’s Creek
  • **Phoebe Waller-Bridge, Fleabag**

“КОМЕДИ ЦУВРАЛ БҮТЭЭЛИЙН ШИЛДЭГ ЭРЭГТЭЙ ЖҮЖИГЧИН”

  • Alan Arkin, The Kominsky Method
  • Michael Douglas, The Kominsky Method
  • Bill Hader, Barry
  • Andrew Scott, Fleabag
  • **Tony Shalhoub, The Marvelous Mrs. Maisel**

“ТЕЛЕВИЗИЙН ЦУВРАЛ БҮТЭЭЛИЙН ШИЛДЭГ ЭМЭГТЭЙ ЖҮЖИГЧИН”

  • Patricia Arquette, The Act
  • Toni Collette, Unbelievable
  • Joey King, The Act
  • Emily Watson, Chernobyl
  • **Michelle Williams, Fosse/Verdon**

“ТЕЛЕВИЗИЙН ЦУВРАЛ БҮТЭЭЛИЙН ШИЛДЭГ ЭРЭГТЭЙ ЖҮЖИГЧИН”

  • Mahershala Ali, True Detective
  • Russell Crowe, The Loudest Voice
  • Jared Harris, Chernobyl
  • Jharrel Jerome, When They See Us
  • **Sam Rockwell, Fosse/Verdon**

“ШИЛДЭГ ОРЛОН ТОГЛОГЧДЫН БАГ”

  • **Avengers: Endgame**
  • Ford v Ferrari
  • The Irishman
  • Joker
  • Once Upon a Time in Hollywood

“ТЕЛЕВИЗИЙН ЦУВРАЛЫН ШИЛДЭГ ОРЛОН ТОГЛОГЧДЫН БАГ”

  • **Game of Thrones**
  • Glow
  • Stranger Things
  • The Walking Dead
  • Watchmen



SAG Шагнал гардуулах ёслол: Онцлох үйл явдлууд
Жиргэх
Манай хуудсанд LIKE дарж нэгдэнэ үү

Сэтгэгдэл бичих

АНХААРУУЛГА: Уншигчдын бичсэн сэтгэгдэлд MISS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.