Ухаалаг эцэг, эх байх таван хялбар арга

“Mindful Parenting” номын зохиолч, сэтгэлзүйч  Кристен Раус ухаалаг эцэг, эх байх энгийн аргуудын талаар эцэг, эхчүүдэд зөвлөжээ.

Гэр бүлээрээ хэдхэн минутын дасгал  хийх

Өглөө босоод хөлөө шалан дээр тавьснаас хойш олон  гэр бүлд эмх замбараагүй байдал эхэлдэг. Өглөөний хоол бэлтгэх, шүдийг нь угаалгах, хувцаслах зэргээр ажил ар араасаа ундарна. Харин өглөө босонгуутаа гэр бүлээрээ хэдхэн минут дасгал хийх юм уу, хэсэг хугацаанд чимээгүй болж, орчны чимээ сонсоод дараа нь юу сонссоноо хуваалцаж байх нь өглөөг эергээр эхлэхэд чухал нөлөөтэй гэнэ шүү.

Тэврэх

Хүүхдүүдээ хичээлд нь явахаас нь өмнө тэвэрч байх нь маш чухал аж. Зөвхөн хүүхдэд ч бус эцэг эхчүүдэд ч гэсэн тайвшрах, өөртөө итгэх итгэл бий болдог байна.

Утсаа гэртээ аль болох ашиглахгүй байх

Магадгүй та энэ талаар олон удаа сонссон байх. Гэхдээ гэртээ аль болох утас ашиглахгүй байх нь  маш чухал гэнэ. Түүнчлэн  амралтын өдрүүдэд гэртээ ухаалаг төхөөрөмж ашиглах цагийн хязгаар тогтоож, тодорхой цагт ухаалаг төхөөрөмжөө унтраадаг болох хэрэгтэй аж.

Өдөрт тохиолдсон гурван сайхан зүйлийнхээ талаар орой бүр ярилцаж байх

Өдөр бүрийн төгсгөлд юм уу, оройн хоолоо идэж байхдаа  өөрт тохиолдсон гэгээлэг, хөгжилтэй  зүйлсийнхээ талаар ярилцах нь гэр бүлийн уур амьсгалыг илүү дотно болгодог байна.

Гүнзгий амьсгаа авах

Хүүхдүүд шуугилдаж, гэрт эмх замбараагүй байдал үүссэн үед 2-3 удаа урт амьсгаа авахыг мэргэжилтнүүд зөвлөжээ. Учир нь, стресстэж бухимдсан үедээ хүн хангалттай хэмжээний хүчилтөрөгч авч чаддаггүй учраас уур бухимдал нэмэгдэх хандлагатай байдаг аж. Харин гүнзгий амьсгаа авснаар байдлыг арай эергээр харж эхэлдэг гэнэ.

https://www.huffpost.com/entry/5-easy-ways-to-be-a-more-mindful-parent_l_5e20c722c5b673621f72a730


Ухаалаг эцэг, эх байх таван хялбар арга
Жиргэх
Манай хуудсанд LIKE дарж нэгдэнэ үү
Түлхүүр үгс: ,

Сэтгэгдэл бичих

АНХААРУУЛГА: Уншигчдын бичсэн сэтгэгдэлд MISS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.