ВАЛЕНТИНЫ ӨДӨРТ: Үл мэдэгдэх эрээс 60 жилийн турш бэлэг авчээ

v

Канадын Скарборо хотын нэгэн эмэгтэй 60 жилийн турш тасралтгүй Валентины баярын өдөр ил захидал хүлээн авчээ. Гайхахаар зүйл биш ч хэнээс захидал ирж байгааг тэр мэдэхгүй байв. Анхны ил захидал 1928 онд ирэхэд Мэрил Дансмор дөнгөж 16 нас хүрээд байлаа. Мэрил 1988 онд нас бартлаа ил захидал авсаар байсан бөгөөд амьсгал хураатлаа энэхүү нууцлаг залуу хэн болохыг мэдэж чадаагүй байна.

Бүтэн 60 жилийн турш нэг ч удаа алгасалгүй ирэхдээ ил захидлын илгээсэн хаяг Хонконг, Тунис, Австрали, Хавай, Хаити болон солигдож байв. Нэг ангийн хүүхэд нь далайчин болсон юм биш биз? Ангиас маань надад сайн хөвгүүн хэн байлаа?…Анхны ил захидал дээр тэрхүү залуу түүнийг “их зантай хатагтай” гэж нэрлэсэн байлаа. Харин жилийн дараа “Хөгшин хатагтай” гэж шогложээ. Гэвч цаг хугацаа өнгөрсөөр захидлууд илүү эелдэг, улам романтик болсоор байв. Мэрил нөхөртэй болж, хоёр хүүхэд төрүүлсэн ч нууцлаг залуу ил захидлаа илгээсээр байлаа.

Энэ түүхийг мэдсэн сэтгүүлч нарт Мэрил 1972 онд “Тэр ил захидлаа илгээсээр байгаасай гэж би хүсэж байна” гэж хэмээн хэлж байсан аж. Баярын мэндчилгээний доор гарын үсэг байхгүй ч “Чи өөрөө намайг хэн гэдгийг мэдэж байгаа”, “Тийм ээ, би байна” гэх үгнээс эхлээд жирийн асуултын тэмдэгтэй мэндчилгээ ч ирж байлаа.

Мэрил Дансмор 1998 оны есдүгээр сард зүрхний өвчнөөр насан эцэслэсэн. Тэр жил Мэрил 60 дахь ил захидлаа хүлээн аваад байв. Нууцлаг эр түүний оршуулгад “Тайван нойрс доо, миний хайрт” гэсэн бичигтэй цэцэг илгээгээд сураггүй болсон байна. Мэрил түүнийг хэн болохыг мэдээгүй хэвээр энэ хорвоог үүрд орхисон билээ. Магадгүй энэ эр “Дэлхийн хамгийн романтик залуу” ч байсан байж мэдэх юм.

Zindaa.mn


ВАЛЕНТИНЫ ӨДӨРТ: Үл мэдэгдэх эрээс 60 жилийн турш бэлэг авчээ
Жиргэх
Манай хуудсанд LIKE дарж нэгдэнэ үү
Түлхүүр үгс:

Нэр: Үүлэн Огноо: 14 February 2020 Reply

гоё юмаа сэтгэл догдлуулсан …Харин би нэг ч удаа валентин тэмдэглэж байсангүй хэн нэгнээс шоколад ч авч байсангүй ээ

Сэтгэгдэл бичих

АНХААРУУЛГА: Уншигчдын бичсэн сэтгэгдэлд MISS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.