Супермодель Ирина Шейк (34 настай) болон түүний экс нөхөр, Холливүүдийн од Брэдли Күпер (45) нарыг охин Леягийн хамт зугаалж байгаа гэрэл зургийг папарацци нар авдаг. Гэхдээ мэдээж, тус тусдаа охиноо эрхлүүлж байгааг нь шүү дээ.
Хуучин амрагуудыг хамтдаа байгаа зургийг дарах гэж ихэд хичээж байгаа ч папарацци нар нэг л завдахгүй байгаа билээ. Гэхдээ ийм боломж гарч магадгүй гэнэ. Учир нь загвар өмсөгч бүсгүй, жүжигчин эр хоёрыг Нью-Йоркийн нэгэн зоогийн газарт өдрийн хоол хамтдаа идэж байхыг нь харсан тухайгаа нэгэн этгээд Daily Mail сонины сэтгүүлчид “матаад” амжсан аж.
Тодруулахад, Шейк, Күпер хоёр 2017 оноос үерхэж эхэлсэн бөгөөд тухайн жилдээ Лея гэх хөөрхөн охинтой болсон билээ. Гэвч харамсалтай нь өнгөрсөн жилээс залуус тус тусдаа амьдрах болсон юм.
Эх сурвалж www.wikimon.mn
