Б.Энхбат: Хашаандаа орж ирэхэд ажлын стресс, ядаргаа бүрэн тайлагддаг

201

“Цахим танил” буландаа хувиараа бизнес эрхлэгч, гэргийнхээ халамжит хань, гурван сайхан хүүгийн аав болох  Б.Энхбатыг урьж ярилцлаа. Түүнийхувьд ”Хашаандаа сайхан амьдаръя” уриалгыг дэмжиж байгаагаа илэрхийлэн, цахим орчинд өөрийн хашааныхаа зургийг хуваалцсан нь олон хүний талархлыг хүлээсэн юм. 

-Сайн байна уу? Та манай уншигчдад өөрийгөө танилцуулахгүй юу?
-Намайг Бат-Очирын Энхбат гэдэг. Ам бүл тавуулаа. Эхнэр гурван хүүгийн хамт нийслэлийн Сонгинохайрхан дүүрэгт буюу олны хэлж заншсанаар Толгойтод амьдардаг. Хувиараа саравч, сүүдрэвчний  ажил эрхэлдэг.
-Одоо үед хүн бүр л орон сууцтай болохыг хүсдэг болсон. Харин та яагаад хашаа байшингаа тохижуулж амьдрахыг сонгосон бэ?
-Миний бодлоор заавал үнэтэй орон сууцанд банкны хүү төлж  амьдрах дэмий болов уу гэж боддог. Дээр нь хүү өндөртэй. Тиймээс би хашаа байшиндаа илүү сайхан амьдарч эхнэр, гурван хүүгээ ая тухтай байлгахын тулд энэ бүгдийг хийсэн. Ажлаасаа ядраад хашаандаа орж ирэхэд миний ажлын стресс, ядаргаа бүрэн тайлагддаг. Мөн хүүхдүүдээ хашаандаа инээлдээд гүйж байхыг харах надад маш том урам, зориг болдог гэж хэлж болно.

-Та хашаа байшингаа тохижуулах санаагаа хэзээнээс хэрэгжүүлж эхэлсэн бэ? Мөн хамгийн их тусалж дэмжсэн хүн хэн байв?
-Хоёр жилийн өмнөөс л хэрэгжүүлж эхэлсэн. Хамгийн их тусалж дэмжсэн хүн гэвэл миний хань бас найз маань. Ерөнхийдөө бид ярилцаж байгаад энэ бүгдийг эхлүүлсэн байдаг юм.
-Хашаа байшингаа тохижуулж, янзалж байхад хүнд хэцүү зүйл тулгарч байв уу?
-Гайгүй дээ. Би дээрээ таван ах, хоёр эгчтэй айлын бага хүүхэд. Аав ээж хоёр маань их хөдөлмөрч хүмүүс байдаг. Тиймээс би ямар нэг ажлыг чинь сэтгэлээсээ хийх дуртай. Ажлыг сэтгэлээсээ хийх сайхан шүү дээ.
-Та хашааныхаа зүлэгжүүлэлтийг яаж шийдсэн бэ?
-Өөрсдөө хашаан доторх газраа хагалж, хар шороо дэвсэж байгаад үрээ цацсан. Тэгээд л ногоон байгууламжтай болсон доо. Таван мод тарьсан, ирэх сард нэмж дөрвөн мод суулгах бодолтой байгаа.

-Мэдээж айл, өрх  болгонд  усаа яаж авах, тогоо хаанаас татах, 00-ын асуудлаа яаж шийдэх вэ гэсэн асуудлууд тулшардаг шүү дээ. Тэгвэл танайх энэ тал дээр та ямар арга хэмжээ авсан бэ?
-Тэгэлгүй яахав. Энэ байнга тулгардаг асуудал. Манайх төвийн шугамнаас усаа татаж, өрөөнүүддээ шалны халаалт суулгасан. Харин бохирын асуудлаа Еко 00-оор шийдсэн байгаа. Одоо хийх зүйл гайгүй болов уу гэж бодож байна.
-Тэгвэл энэ бүхнийг хийж гүйцэтгэхэд хэр хэмжээний хөрөнгө мөнгө орсон бэ?
-Үнэнийг хэлэхэд зардлаа тооцож чадаагүй. Мөнгө орж ирэхээр бага багаар хийж гүйцэтгэсэн. Өөрсдөө хийсэн болохоор зардал гайгүй гарсан болов уу даа. Байшингаа эхлээд барьчихсан байсан болохоор хашаагаа блокоор давхарлах, граш тохижилт гэх мэтчилэн зүйлсэд барагцаагаар гэвэл 15 сая төгрөг орсон.

-Цаашид хашаа байшиндаа юу хийж, яаж илүү гоёор тохижуулахыг хүсэж байна вэ?
-Эхний ээлжинд амбаараа урагш нь сунгаж барина. Байшингаа өвлийн болгох бодолтой байгаа.  Мөн хашаандаа ойр зуурын хэдэн зүйл хийнэ.Тун удахгүй ажлаа эхлүүлнэ дээ.  Зургаан сар гараад хашаа маань урьдынхаасаа илүү сайхан болох болно.


Б.Сувдаа

Б.Энхбат: Хашаандаа орж ирэхэд ажлын стресс, ядаргаа бүрэн тайлагддаг
Жиргэх
Манай хуудсанд LIKE дарж нэгдэнэ үү
Түлхүүр үгс:

Нэр: viagra online usa Огноо: 17 April 2020 Reply

viagra online usa http://www.doctor7online.com/

Нэр: cialis usa Огноо: 23 April 2020 Reply
Нэр: chloroquine tablets brand india Огноо: 27 May 2020 Reply

chloroquine tablets brand india

Б.Энхбат: Хашаандаа орж ирэхэд ажлын стресс, ядаргаа бүрэн тайлагддаг | Miss.mn

Сэтгэгдэл бичих

АНХААРУУЛГА: Уншигчдын бичсэн сэтгэгдэлд MISS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.