“Та нарын л төлөө гэж явсаар үс минь цайж амьдрал минь дуусч байна” гэдэг үгийг сонсож байсан уу? Энэ бол өөрийгөө гээсэн л хүний үг гэмээр. Өөр бусдын төлөөх сайхан чанараасаа болж эмэгтэйчүүд бид өөрсдийгөө гээх нь бий. Өөрөөр хэлбэл өөртөө цаг гаргадаггүй эмэгтэйг өөрийгөө мартсан, гээсэн эмэгтэй гэнэ. Ийм эмэгтэй эхлээд нөхөртөө дараа нь найз нөхөртөө цаашлаад үр хүүхэддээ ч гээгдэх нь бий.
Энэ бол Р.Оюундарийн “Хайрлагдсан эмэгтэйн зурвас” номын тэргүүн хэсэг. Гадаад ахуй, мэдэхгүй хэвшил бус монгол ухаанаар бидний дунд оршин байдаг энгийн гэр бүлүүдийн амьдралд суурилан бичсэн хайрлагдсан эмэгтэйн зурвас. Номыг унших явцад ойр дотны хэн нэгний тань амьдралын эрээн бараан, амжилт ололтыг яг л тэр чигээр нь биччихсэн мэт ойр дотно сэтгэгдэл төрөх юм билээ.
Эмэгтэй, эхнэр, эзэгтэй, ээж гэсэн эмэгтэй хүний 4 үүргийн талаар уг номонд өгүүлсэн ба бүлэг бүрт хэлэх гэсэн санааг өргөж, утга агуулгыг багтаасан онч мэргэн үгнүүд орсныг таньд хүргэхээр бэлтгэлээ.
1. Хүний жинхэнэ зан чанар сайхан байх үед биш харин асуудалтай хэцүү үед илэрдэг.
2. Надад итгэдэг хүмүүсийн төлөө би үнэнч байх болно
Намайг хайрладаг хүмүүсийн төлөө би цэвэр байх болно
Намайг зовоогчдын төлөө би хүчтэй байх болно
Намайн сүрдүүлэгчдийн төлөө би зоригтой байх болно
3. Тиймээ өөрийнхөө төлөө өрөөлийг уучил бүсгүй минь
Тэнгэр цэлмэж солонго таттал инээ бүсгүй минь
4. Би өчигдрийг мартаж маргаашийн төлөө гунихгүй байх болно
5. Зөв хүний сэтгэл зөвийг хайгчдын жим болдог.
6. Бусдад хайрлагдахыг хүсвэл өөрийгөө эхлээд хайрла
Бусдад таалагдахыг хүсвэл өөртөө эхлээд таалагд
Бусдад ойлгогдохыг хүсвэл өөрийгөө эхлээд ойлго
Бусдад итгэгдэхийг хүсвэл өөртөө эхлээд итгэ
Бусдад танигдая гэвэл өөрийгөө эхлээд тань
Бусдад сонсогдохыг хүсвэл өөрийгөө эхлээд сонс
Бусдад дэмжигдэхийг хүсвэл өөрийгөө эхлээд дэмж
Бусдыг хөгжүүлэхийг хүсвэл өөрийгөө эхлээд хөгжүүл
Бусдад хүндлүүлэхийг хүсвэл өөрийгөө эхлээд хүндэл
Бусдад зөвшөөрөгдөхийг хүсвэл өөрийгөө эхлээд зөвшөөр
Бусдыг баярлуулмаар байвал өөригйөө эхлээд баярлуул
Бусдад талархагдахыг хүсвэл өөртөө эхлээд таларх
Бусдыг үнэлэхийг хүсвэл өөрийгөө эхлээд үнэл
7. Уруулаа буд бүсгүй минь
Унжуу дорой бүү яв
Нас бол цаасан дээр бичдэг тоо
Намбархаж бүү сүйд бол
Хүссэнээрээ амьдар бүсгүй минь
Хүлэгдэж баригдаж бүү амьдар
Гоо сайхан яв бүсгүй минь
Голж бас шилж амьдар
Гадсан өсгийт ганган шаахай
Гархи гоёл бүгдээн зүү
Сайхан үнэр биедээ шингээж
Салхи татуулан инээмсэглэж яв
Санаашрах гунигийн дуу бүү аял
Сарны гоо гүнж мэт инээмсэглэж амьдар
8. Гадаад гоо үзэсгэлэн эрчүүдийн нүдийг татдаг бол
Дотоод гоо үзэсгэлэн эрчүүдийн зүрх сэтгэлийг байлдаж дагуулдаг.
9. Нөхөртөө хайрлагддаг эмэгтэй хамгийн аз жаргалтай
10. Бүсгүй таны сайхан сэтгэл эр нөхрийнхөө урдах замыг цэвэрлэдэг юм шүү
11. Нөхрөө хүндэлж болно хөсөр хаяж үл болно
Нөхрөө ойлгож болно ойшоохгүй байж үл болно
Амар тайвныг бэлэгдэж болно арга зам тасарч үл болно
Ханиа магтаж болно малтаж үл болно
Ханиа түшиж болно түлхэж үл болно
Нөхрөө дагаж болно далайж үл болно
Нөхөртөө өөрийгөө зориулж болно өөрийгөө гээж үл болно
Сэтгэлийн тэнхээтэй байж болно тэнхлэгээ алдаж үл болно
Нөхрөө дэмжиж болно тийрч үл болно
Үг бүрийн цаана утга агуулаастай. Уг бүрийг хэрхэн ойлгон хүлээж авах, хэрхэн дэлгэрүүлэн ойлгохийг бүсгүй таны сонголтонд үлдээе. Нөхөртөө хайрлагдсан эмэгтэй хамгийн жаргалтай гэсэн зүүлтээр номын тоймоо өндөрлөе. Энэ номыг уншиж байсан бүсгүйчүүд сэтгэгдлээ хуваалцаарай.
Goolingoo.mn
