Эмэгтэй дугуйчид дэлхийг 263 хоногт тойрч, дээд амжилт тогтоожээ

1575162568_0_54_2000_1180_600x0_80_0_0_5fae11063b51245ceadbf14893d1714a

Их Британийн хоёр иргэн хоёр хүний дугуйгаар дэлхийг хамгийн богино хугацаанд тойрч, Гиннесийн дээд амжилтын номд бичигджээ.

50 гаруй настай Кэт Диксон, Раз Марсден гэгч хоёр эмэгтэй 2019 оны зургаадугаар сарын 29-ний өдөр Оксфорд хотоос гарч, 2020 оны гуравдугаар сарын 18-нд Лондонд барианд оржээ. Тэд өдөр бүр 50-60 км зай туулсан байна.

Тамирчид Франц, Монако, Итали, Словени, Хорват, Черногор, Албани, Грек, Турк, Гүрж, Энэтхэг, Таиланд, Малайз, Сингапур, Австрали, Шинэ Зеланд, АНУ, Мексик, Марокко, Испани болон Гибралтараар аялсан байна. Аяллынхаа явцад хоёр дугуйчин 50 мянга гаруй ам.долларын хандив цуглуулж, буяны үйл ажиллагаанд зориулж хандивлажээ. Тэд эмэгтэйчүүдийн төдийгүй эрчүүдийн тогтоосон дээд амжилтыг эвдсэн байна. Эрэгтэй дугуйчид дэлхийг 281 хоногт тойрж, дээд амжилт тогтоож байжээ.

Ирэх арваннэгдүгээр сарын 18-ны өдөр тохиох Гиннесийн дээд амжилтуудын өдрийг зохион байгуулах бэлтгэл ажлын хүрээнд Кэт Диксон, Раз Марсден нарын амжилтын талаар сая мэдээлсэн байна. Энэ жил Гиннесийн дээд амжилтуудын өдрийг “Өөрийнхөө ертөнцийг нээ” сэдвийн дор тэмдэглэх юм.

https://zindaa.mn/3bwr


Эмэгтэй дугуйчид дэлхийг 263 хоногт тойрч, дээд амжилт тогтоожээ
Жиргэх
Манай хуудсанд LIKE дарж нэгдэнэ үү
Түлхүүр үгс:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд MISS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.