Ээж охин хоёрын хамтдаа хийх дасгалууд

d6843293a5f65676f3c01cc381f9afbe-600x377

Спортоор хичээллэх нь хүүхдийн хүмүүжил бие махбодид эерэг сайн нөлөө үзүүлдэг. Харин аавууд болон ээжүүд үр хүүхдүүдтэйгээ хамт дасгал хийснээрээ тэдэнд маш том үлгэр жишээг үзүүлж байгаа юм. Багаас нь хүүхдээ өөрийн бие бялдар эрүүл мэндэд анхаардаг хүн болгохын тулд фитнест явахдаа бяцхан үрсээ дагуулаад явахаа бүү мартаарай. Хэрэв аавууд хүүхдүүдтэйгээ хамт ямар дасгал хөдөлгөөн хийж болох талаар та сонирхож байвал энд дарж уншина уу.Харин одоо ээж охин хоёр хамдаа ямар дасгал хйиж болох талаар зөвлөгөөг танд хүргэе.

1. БАЛЕТ-  Хэрэв таны охин бүжиглэх сонирхолтой бол түүнийг балетын курст дагуулж явах нь зохимжтой.  4 настай ч бай, 14 настай ч бай таны охин балетээр хичээллэхэд хэзээд оройдохгүй. Та ч мөн адил. Балетээр хичээллэснээр хөгжмийн мэдрэмж сайжран, хөдөлгөөний эвсэлтэй болоод зогсохгүй төвлөрөх чадвар эрс нэмэгддэг.

Мөн балет нь булчингийн хөгжлийг сайжруулан, биеийн уян хатан байдлыг нэмэгдүүлэн гоо үзэмжийг дээшлүүлдэг тул охид бүсгүйчүүдэд нэн тохиромжтой бүжгийн төрөл юм.  Балетээр хичээллэж эхлэхээс өмнө бие халаах дасгал хийх нь зүрхний хэмнэлийг түргэсгэн цусны эргэлтийг сайжруулдаг. The Brighton Ballet Theater-ийн сайтад тэмдэглэснээр сонгодог хөгжмийн аянд балетээр хичээллэх нь бүсгүй хүний өөртөө итгэх итгэлийг нэмэгдүүлж, бахдам сайхан гоо үзэсгэлэнтэй болгодог гэнэ. Тиймээс энхрий охидтойгоо цуг балетээр хичээллэвэл гайхалтай биш гэж үү?.

2. ИОГ- Иог нь хүний биеийн дархлалын системийг сайжруулахаас гадна стрессийг багасган дотоод амар амгаланг олоход тусалдаг. Үүнээс гадна толгойн өвчнийг намдаах, бодисын солилцоог эрчимжүүлэх зэрэг олон сайн талтай. Хүүхдийнхээ эрүүл мэндэд хөрөнгө оруулахаар зорьж буй бол хамт иогоор хичээллэх нь зөв сонголт байх болно. Иог нь мөн хүүхдийн өсөлт, үе мөчний хөгжилд тустай.

3. ЗУМБА- Зумбагаар хичээллэснээр хүүхэд цовоо сэргэлэн болдог. Ээжүүдийн хувьд илүү жин хасахаар төлөвлөж буй бол зумбагаар хичээллэх нь зүйтэй. Зумба нь маш их калорийг шатаагаад зогсохгүй сэтгэл санааг өргөдөг давуу талтай.

4. УСАН СЭЛЭЛТ- Усанд сэлэх нь нэг талдаа биеийн жинг тогтвортой байлгах, хөдөлгөөний дутагдлаас сэргийлэх, стреснээс ангижруулах сайн талтай ч нөгөө талдаа усны аюул ослоос өөрийгөө хамгаалах чадварыг суулгана. Тиймээс та хүүхэдтэйгээ хамтдаа усанд сайн сэлдэг болоход суралцах нь зүйтэй.

5. ФИТНЕС- Тохилог тав тухтай орчинд фитнесээр хичээллэх нь хүүхдийнхээ болон өөрийн чөлөөт цагийг зөвөөр өнгөрөөх бас нэгэн хувилбар юм. Хүүхэд тань таны хийж буй дасгалуудыг бага тоогоор хийж болно эсвэл таныг дасгалдаа орсон байх хооронд бусад хүүхдүүдийн хамт өөр дасгал хөдөлгөөн хийж байхад та санаа зовох зүйлгүй байж болно.


Ээж охин хоёрын хамтдаа хийх дасгалууд
Жиргэх
Манай хуудсанд LIKE дарж нэгдэнэ үү
Түлхүүр үгс:

Нэр: Gudrun Огноо: 5 September 2020 Reply

I have been browsing online more than three
hours nowadays, but I by no means discovered any attention-grabbing article like yours.
It’s pretty worth enough for me. In my opinion, if all
website owners and bloggers made excellent content material as you did, the
best web hosting sites will be much more helpful
than ever before.

Сэтгэгдэл бичих

АНХААРУУЛГА: Уншигчдын бичсэн сэтгэгдэлд MISS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.