Сайхан үнэр сэтгэл сэргээж, стресс тайлах шидтэй

3a6cadc3098199ecfc012563b3ce32877d19913e

Тансаг үнэр хүнд сэтгэлийн таашаал өгдөг бол тааламжгүй үнэр бухимдал төрүүлж, эвгүй сэтгэгдэл үлдээдэг. Ажил ихтэй урт өдрийн орой гэртээ ороход сүрчиг, жимсний үнэр хамар цоргиж, цэмцгэр тухтай орчин угтах хэчнээн сайхан. Мөн хаалганы гаднаас хоолны үнэр сэнгэнэхэд л ходоод ажиллаж, хооллох хүсэл төрдөг шүү дээ. Шинэхэн талх, кофены үнэр ч мөн тайвшруулж, алжаал тайлахад дэм болдог. Харин муудсан хүнс, чийг, агааржуулагчийн онцгүй үнэр ханхалж угтахад тэр орой тухтай сайхан өнгөрөх нь юу л бол. Таагүй үнэр маш богино хугацаанд гэрт шингэдэг. Хогоо асгахгүй гурваас дээш цаг байлгах, бохир хувцсаа шүүгээндээ цэвэрлэхгүй хадгалах, муудсан хүнсээ тогтмол устгахгүй байх, хөшиг, хивсээ угаалгад өгөхгүй удах зэрэг маш олон шалтгааны улмаас онцгүй үнэр таны мэдрэмжийг дарангуйлдаг. Тиймээс жилийн аль ч улиралд, өдрийн аль ч цагт гэрээ сайхан үнэртэй байлгах нь гэр бүлийн халуун дулаан уур амьсгал бүлдүүлэх, эрүүл, аюулгүй орчинд амьдрах, тохилог, тухтай байхад чухал нөлөөтэй юм.

Нимбэг, жүржийн үнэр сэтгэл санаа сэргээдэг

Нимбэг, жүрж, гоо жүржийн үнэр баярын уур амьсгал авчирдаг бөгөөд сэтгэл санаа сэргээдэг. Мөн хүний бие организмд маш сайнаар нөлөөлдөг төдийгүй жүржийн төрлийн эфирийн тос нян бактерийн эсрэг үйлчилгээтэй байдаг. Тиймээс хүүхдийн өрөөндөө исгэлэн жимсний үнэртүүлэгч хэрэглэх нь зохимжтой юм.

Сайхан үнэр сэтгэл сэргээж, стресс тайлах шидтэй

Лаа хиншүүний үнэрийг өөртөө шингээдэг

Шарсан, хуурсан хоол хийсний дараа гэрээс хиншүүний үнэр гардаггүй, хувцас хэрэглэлд шингэчихдэг шүү дээ. Харин лаа түлэнхийний үнэрийг өөртөө шингээдэг байна. Мөн үнэр ялгаруулдаг лаа нь тааламжгүй үнэрийг тансаг болгох шидтэй аж.

Сайхан үнэр сэтгэл сэргээж, стресс тайлах шидтэй

Лаванда цэцгийн үнэр стресс бууруулдаг

Лаванда цэцэг тайвшруулах үйлчилгээтэй гэдгээрээ алдартай. Тус цэцгийн үнэр гүн хямрал стресстэй тэмцэж, амрахад тус болдог. Түүнчлэн тархины үйл ажиллагааг идэвхжүүлж, анхаарал нэмэгдүүлэх үйлчилгээтэй. Лаванда цэцгийн тосыг цэвэр алчуурт бага зэрэг шингээж, дэрэн доороо тавихад л хангалттай.

Сайхан үнэр сэтгэл сэргээж, стресс тайлах шидтэй

Кофены үнэр тархины үйл ажиллагаа идэвхжүүлдэг

Герман болон Японы судлаачид кофены үнэр стрессийн хам шинжийг багасгадгийг нотолсон байна. Түүнчлэн зөвхөн кофе уухад бус үнэрлэхэд ч тархины үйл ажиллагаа идэвхждэг байна. Тиймээс ажлын өрөөндөө кофены үр, үнэртүүлэгч байрлуулах нь тохиромжтой юм. Харин зочны өрөөндөө агааржуулагч, үнэртүүлэгч байрлуулахаас илүү амьд цэцэг тарих нь зохимжтой. Учир нь цэцэг агаар цэвэршүүлж, хүчилтөрөгч ялгаруулдаг төдийгүй гэрийг тохилог харагдуулдаг онцлогтой.

Сайхан үнэр сэтгэл сэргээж, стресс тайлах шидтэй

http://eagle.mn/r/77000


Сайхан үнэр сэтгэл сэргээж, стресс тайлах шидтэй
Жиргэх
Манай хуудсанд LIKE дарж нэгдэнэ үү
Түлхүүр үгс: ,

Сэтгэгдэл бичих

АНХААРУУЛГА: Уншигчдын бичсэн сэтгэгдэлд MISS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.