АНУ-ын 46 дахь Ерөнхийлөгчийн тангараг өргөх ёслолын ажиллагаа Капитолийн ордонд боллоо.
Ерөнхийлөгчөөр сонгогдсон Жозеф Байден “Бага Жозеф Робинетт Байден би АНУ-ын Ерөнхийлөгчийн үүргийг үнэнч шударгаар гүйцэтгэж, Нэгдсэн улсын Үндсэн хуулийг дээдэлж сахин хамгаалахын төлөө бүхий л хүчин чадлаа дайчлахаа тангараглаж байна. Бурхан надад туслах болтугай” хэмээн тангараг өргөсөн юм.
Тэрбээр зүүн гараа 19 дүгээр зууны үеэс уламжлагдаж ирсэн 127 жилийн түүхтэй гэр бүлийн Библи дээр зүүн гараа тавьсан бөгөөд Библийг түүний гэргий Жилл Байден барьж байлаа. Жозеф Байден иргэддээ хандан үг хэлэхдээ Америкийг эв нэгдэлтэй байхыг, ардчиллагчид болон бүгд найрамдахчуудын хоорондын бүдүүлэг дайнаа зогсоохыг уриалсан.
Харин түүний өмнө АНУ-ын анхны өнгөт арьст ази гаралтай эмэгтэй Дэд ерөнхийлөгчөөр сонгогдсон 56 настай Камала Харрис тангараг өргөсөн юм.
Ёслолын үйл ажиллагаанд үе үеийн Ерөнхийлөгч болох Билл Клинтон, Жорж Буш, Барак Обама, дэд ерөнхийлөгч Майкл Пенс нар оролцжээ. Трампын дэмжигчид эмх замбараагүй байдал үүсгэх эрсдэлтэй гэж үзэн тангараг өргөх ёслолыг өндөржүүлсэн бэлэн байдалд зохион байгуулжээ.
АНУ-ын Ерөнхийлөгчийн тангараг өргөх ёслолд 1869 оноос хойш анх удаа халаагаа өгч буй Ерөнхийлөгч нь оролцсонгүй. Трамп тангараг өргөх ёслолоос өмнө Цагаан ордныг орхисон бөгөөд түүнийг үдэх ёслол Эндрюс цэргийн баазад болж, гэр бүлийнхэн нь оролцжээ. Уг ёслолд дэд ерөнхийлөгч Майкл Пенс очоогүй байна.
АНУ-ын Ерөнхийлөгчийн тангараг өргөх ёслолд 1869 оноос хойш анх удаа халаагаа өгч буй Ерөнхийлөгч нь оролцсонгүй.
Трампыг үдэх ёслолд хүүхдүүд нь оролцжээ.
Жозеф Байден, Камала Харрис нарын тангараг өргөх ёслол Капитолийн ордонд боллоо.
Дэд ерөнхийлөгч Камала Харрис, нөхөр Дуглас Эмхофф нар
Барак, Мишель Обама нар
Жорж, Лора Буш нар
Билл, Хиллари Клинтон нар
Ерөнхийлөгч Жозеф Байден, тэргүүн хатагтай Жилли Байден нар
Дэд ерөнхийлөгч асан Майкл Пенс, эхнэр Карен Пенсийн хамт
Дуучин Леди Гага төрийн дуулал дууллаа
Дуучин Женнифер Лопез
Дэд Ерөнхийлөгч Камала Харрис тангараг өргөлөө
Байдены гэр бүлд уламжлагдан ирсэн 127 жилийн түүхтэй Библи. Жо Байден сенатын гишүүнээр сонгогдох үеэс уг Библи дээр гараа тавьж тангараг өргөж иржээ.
Жо Байден иргэддээ хандан үг хэллээ.
Эх сурвалж: NBC
