Японд сакура цэцэглэж эхэлснийг дэлхийн дулааралтай холбон үзэж байгаа аж. Тухайлбал Киото мужид гуравдугаар сарын 26-нд эхэлсэн нь энэ бүс нутагт хийсэн ажиглалтын 1200 жилийн түүхэнд хамгийн эртнийх болжээ. Үүнээс өмнөх сакура хамгийн эрт цэцэглэсэн тохиолдол 1409 оны гуравдугаар сарын 27-нд гэж тэмдэглэгдсэн байна.
Харин Токиод хамгийн эрт цэцэглэсэн явдал 1953 оны гуравдугаар сарын 22 гэж бүртгэгдсэн байдаг гэнэ. Сүүлийн жилүүдэд сакура эрт цэцэглэж буй нь дэлхийн дулаарал нөлөөлсөн байх гэж судлаачид үзжээ. Түүнчлэн үүнийг дэлхийн уур амьсгалын өөрчлөлтийн хамгийн тод үзүүлэлтүүдийн нэг болгон ашиглаж байгаа аж. Дашрамд хэлэхэд сакура-ханами улирал есөн жил дараалан ердийнхөөсөө эрт эхэлсэн байна.
Өнөө жил арлын оронд тун ч дулаан хавар болж буй бөгөөд Хирошимад хамгийн түрүүнд гуравдугаар сарын 11-нд сакура цэцэглэсэн нь өмнөх дээд амжилт болох 2004 оныхоос даруй найм хоногийн өмнө болов.
