Сүүлийн үед хүмүүсийн дунд сэтгэл гутрал асар их нэмэгдсэнийг дэлхий нийтээр онцолж байна. Гэхдээ ихэнх тохиолдолд зарим хүн сэтгэл гутралд орсон гэдгээ мэдэхгүй явах нь бий.
Тэгвэл сэтгэл гутралд орсноо хэрхэн мэдэх талаар СЭМҮТ-ийн дэд захирал, анагаах ухааны доктор В.Баярмаа “Сэтгэл гутралын үед өөртөө болон ирээдүйдээ итгэлгүй болох, өөрийгөө үнэлэх үнэлэмж буурах, өөрийгөө буруутгах, гэмших, ирээдүйгээ сөрөг байдлаар төсөөлөх, үйл хөдлөл, үг яриа удаашрах, өмнө нь сонирхдог байсан зүйлээ тоохоо болих, хоолны дуршил буурах, нийгмийн аливаа үйл ажиллагаанд оролцохоо болих, аль болох ганцаараа байхыг эрмэлзэх зэрэг сэтгэл зүйн шинж тэмдгүүд илэрдэг. Мөн манай СЭМҮТ-ийн www.ncmh.gov.mn хаягаар орж сэтгэл зүйн сорил хэсгээс сэтгэл гутралыг үнэлэх сорилоор өөрийгөө үнэлэх боломжтой” хэмээн “Зууны мэдээ” сонинд ярьжээ.
