Брэд Питт хүүхдүүдээ кинонд тоглохыг хоригложээ

inx960x640-2019-07-16T104615.779

Жүжигчин Брэд Питт, Анжелина Жоли нар үрчилж авсан гурав, төрүүлсэн гурав нийлсэн зургаан хүүхэдтэй билээ. Тэд 2008 онд Нокс Леон болон Вивьен Маршелин нэртэй ихрүүдийгээ төрөхөд анхны зургийг нь Америкийн Hello! сэтгүүлд 14 сая ам.доллароор зарж, рекорд тогтоож байсан юм. Жоли, Питт нар уг мөнгөнийхөө дийлэнх хэсгийг буяны үйлст зарцуулсан гэдэг.

Өдгөө 12 настай ихрүүд бусад ах, эгч нарынхаа нэгэн адил ээжийнхээ уран бүтээлд тусалсаар ирсэн. Вивьен охин 2014 онд ээжтэйгээ хамт алдарт “Малефисент”-д тоглосон билээ. Жоли киноныхоо хоёрдугаар ангид нөгөө ихэр Ноксыг болон түүний эгч Шайлог тоглуулахаар төлөвлөж байсан ч Жоли, Питт нар салсны дараа Брэд Питт хүүхдүүдээ кинонд тоглохыг хоригложээ.

Ихрүүдийн нэг болох Вивьен охин эгч Шайло шигээ эрэгтэй хүүхдийн хувцас өмсөж, эрэгтэй хүүхэд шиг биеэ авч явж байна гэж шүүмжлэлд өртөөд байсан. Тэгвэл Вивьен одоо араб хэл сурч байгаа гэнэ. Харин Нокс хүү дохионы хэл сурч эхэлжээ. Тэрбээр мөн мотоциклийн уралдаан, спортын тэмцээнүүдийг аавтайгаа хамт үзэх дуртай.

Брэд Питт, Анжелина Жоли нарын салах үйл явц олон жил маргаантай үргэлжилсний эцэст шүүхээс Жолиг хүүхдүүдээ аавтай нь уулзуулж байхыг үүрэгдсэн билээ. Хүүхдүүдтэйгээ уулзах эрхээ алдаад байсан Брэд Питт одоо хүссэн үедээ зургаан хүүхэдтэйгээ цагийг өнгөрүүлэх эрхтэй болсон юм.


Брэд Питт хүүхдүүдээ кинонд тоглохыг хоригложээ
Жиргэх
Манай хуудсанд LIKE дарж нэгдэнэ үү
Түлхүүр үгс:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд MISS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.