Тахианы махан “наггет”-ийг гэртээ хийж сурцгаая!

4e182b148a3049ae335f7ba0221fb659

Баасан гараг бүр эзэгтэй нартаа зориулж хялбархан хийж болох амтат хоолны жоруудыг хүргэдэг билээ. Тэгвэл энэ амралтын өдрүүдээр өөрийн гараар ”тахианы махан наггет” хийж гэр бүлийнхнээ баярлуулаарай. Нэмж хэлэхэд, үүнийг гэртээ бэлдэх нь гадуур худалдаанд байдаг хөлдөөсөн, олон төрлөөр бэлтгэсэн наггеттай харьцуулахад илүү эрүүл бас амттай байдаг юм шүү. Ингээд дараах зааврын дагуу бэлдээрэй.

Зөвлөмж:

  • Хэрэв та хийсэн наггетаа хөлдөөж хэрэглэхээр шийдсэн бол нэг дор ахиухныг хийгээрэй. Харин дараа нь идэх үедээ гаргаад богино долгионы зууханд хийхэд л болно.
  • Мөн талхны үйрмэгээ дэлгүүрээс худалдаж авалгүйгээр гэртээ хийж болно. Талхаа шарах шүүгээнд хийж хатаагаад хатуу, зөөлнийг нь өөрөө тааруулан нунтаглана. Дараа нь амтлагч, халуун ногоо нэмж амт оруулна. Ингээд бэлэн болсон талхны үйрмэгээ хэрэглэж болно.

1Орц

  • ½ аяга гурил
  • 1 өндөг
  • ½ аяга талхны үйрмэг
  • 450 гр орчим тахианы цээж мах
  • 3 халбага давс
  • 3 халбага перец
  • 1 аяга канола тос
  • 1/8 аяга үрсэн Пармезан бяслаг /заавал биш/
  • ¼ халбага нунтаг сармис /заавал биш/
Орц

2Хийх арга

1. Гурил, өндөг, талхны үйрмэгийг 3 тусдаа аяганд хийнэ. Тус бүрт нь давс, хар перецээ хийж холино.

2. Тахианы махнаасаа өөхийг нь салгаад наггетын хэмжээгээр дөрвөлжилж хэрчинэ.

Хийх арга

3. Хэрчсэн махаа аягатай гурил руу хийж, сайн наалдуулсны дараагаар сэгсэрч авна.

4. Дараа нь махаа өндөгтэй аяга руу дүрж сайтар бүрнэ.

5. Дараа нь талхны үйрмэгтээ дүрнэ.

6. Бэлэн болсон тахиагаа хүнсний цаас бүтээсэн торон дээр тавина.

7. Тахиагаа шарах шүүгээнд 210 хэмд 25 минут жигнэнэ. Ингэхдээ 12 минут нэг талаар нь жигнээд нөгөө талаар нь эргүүлж тавиад мөн адил хугацаагаар дахин жигнэнэ.

8. Бэлэн болсон нагетийг дуртай соустайгаа хамт идээрэй.


Тахианы махан “наггет”-ийг гэртээ хийж сурцгаая!
Жиргэх
Манай хуудсанд LIKE дарж нэгдэнэ үү
Түлхүүр үгс:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд MISS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.