“Squid Game” цувралын найруулагч стресст орсны улмаас зургаан шүд нь унаж байжээ

Squid-Game-But-Why-Tho

“Netflix” стриминг үйлчилгээний шилдэг кино контентоор тодроод буй Өмнөд Солонгосын “Squid Game” цувралын зохиолч, найруулагч Хван Дон Хюк “The Hollywood Reporter” сэтгүүлд өгсөн ярилцлагадаа цувралын зураг авалтын үеэр маш их стресстэй ажилласны улмаас зургаан шүд нь унасан тухай ярьжээ.

“Цуврал кино маань есөн ангитай. Анги бүрийн зохиолыг би өөрөө бичиж, найруулсан. Энэ нь бие хүч, сэтгэл зүй болон сэтгэл санааг маш их сорьсон даалгавар байсан” гэж Хванг /50 настай/ онцолсон байна.

Түүний хэлснээр, “Squid Game” цуврал энгийн нэг үзэл санааг илэрхийлдэггүй, зураг авалтын үеэр маш олон шинэ санаа төрж байсан. Үүний сацуу алдаа гарсан даруйд засаж, залруулах, зохиолын ахин дахин засаж, шинэчлэх шаардлага гарч байжээ. Сэтгэл зүйн энэ их дарамт бие махбодод нь нөлөөлсөн гэж тэрбээр ярьсан байна.

“Netflix” стриминг үйлчилгээгээр гарсан даруйдаа “Squid Game” үзэгчдийг байлдан дагуулж, тус стриминг үйлчилгээний шилдэг кино контент болоод байна. “Netflix”-ийн мэдээлснээр, энэ сарын 12-ны байдлаар тус цуврал нийт 111 сая үзэгчид хүрч, дээд амжилт тогтоогоод байна. Үүнээс өмнө “Bridgerton” цуврал “Netflix” стриминг үйлчилгээний бүх цаг үеийн шилдэг цувралаар тооцогддог байв.

Тэрээр “Squid Game” цувралын хоёрдугаар улирлыг хийх талаар эргэцүүлж байгаа талаар дурджээ.

Найруулагч Хван Дон Хюк


“Squid Game” цувралын найруулагч стресст орсны улмаас зургаан шүд нь унаж байжээ
Жиргэх
Манай хуудсанд LIKE дарж нэгдэнэ үү

Сэтгэгдэл бичих

АНХААРУУЛГА: Уншигчдын бичсэн сэтгэгдэлд MISS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.