Урлагт өөрийн гэсэн сонин содон өнгө төрх, донжлог байдлаараа ялгарч буй реппер бол Mrs.M хэмээх бүсгүй билээ. Тэрбээр СТА жүжигчин О.Энхтуулын охин гэдгийг хүмүүс тэр бүр мэддэггүй. Монголдоо цөөхөн эмэгтэй репперүүдийг өнгөлж яваа дуучин бүсгүй дууныхаа үг, аяыг өөрөө зохиодог бөгөөд үргэлжид том нарны шилээр нүдээ нуудаг нь олон ч хүний сонирхлыг татдаг.
Ээжийнхээ залуу насны гоо үзэсгэлэнг өвлөн төрсөн тэрээр стиль имиж, дуулалтаараа хэнээс ч дутахгүй бөгөөд хамгийн сүүлд зуны хит Бороо хэмээх дуугаараа олныг байлдан дагуулаад амжсан.
Реппер бүсгүй маань өөрийн цахим хуудаснаа хөл хүнд бүжиглэж буй бичлэгээ анх дэлгэснээр дагагч нарынхаа хайрыг татаад авсан билээ. Тэгвэл реппер бүсгүй амаржиж жүжигчин Энхтуул эмээ болжээ. Гэр бүлд нь нийт уншигчдынхаа өмнөөс халуун баяр хүргэе.
