Залхуурлаас “за” руу буюу суудлаасаа босоод амьдарч, хөдөлж эхлэхийн тулд яах хэрэгтэй вэ? Бусад хүмүүсийн ихийг хийж бүтээж байгаагийн дэргэд өөрийгөө хийсэн зүйлгүй сууж байгааг харах чамд амаргүй байгаа нь ойлгомжтой. Гэхдээ юу гээч! Яг одоо тэгэж бодох хэрэггүй. Тийм зүйлд хайран цагаа үрэхийн оронд өөртэйгөө ярилц.
Чамд хийхийг хүсдэг, болохыг хүсдэг мөрөөдөл хүсэл мэдээж бий. Тийм биз дээ? Түүндээ хөтлөгдөөд, амжилтанд хүрэх гэхээр саад болоод байгаа эсвэл ажлынхаас араас босч чадахгүй, үр бүтээл муутай байгаа цор ганц асуудалтайгаа нүүр тулъя. Залхуурлаа хэрхэн давах вэ?
Тэгэхээр юун түрүүнд өөрөөсөө дараах асуултуудыг асуугаарай:
1. Үүнийг хийхгүй бол ямар үр дагавар хүлээж байгаа вэ? гэдэг талаар маш тодорхой бод эсвэл бич. Өөрөөр хэлбэл хийгээгүйгээрээ юу алдахаа тодорхойл.
2. Би яг юунд хүрэхийг хүсэж байна вэ? Үүнийг хийснээр юу дээрдэх вэ? Байж болох хамгийн сайн үр дүн юу байж болох вэ?
3. Зорилгодоо хүрэхийн тулд би юу ч тохиолдсон бууж өгөхгүй, үр дүнгээ үзэхийн тулд зүтгэнэ гэж өөртөө амла.
4. Одоо зөвхөн эцсийн үр дүнг бодох биш, зүгээр л зорилгод хүрэх дараагийн алхмаа бод.
5. Эцэст нь үйлдэл хийж эхэл. Энэ нь яг одоо гутлаа өмсөөд гарах эсвэл шууд фитнесс клубт орж бүртгүүлэх гэх мэт юу ч байж болно. Зүгээр л зорилго руугаа хөтөлсөн ямар нэг үйлдэл хий.
Одоо ахиад эхний алхмаасаа эхэл. Яагаад хийхгүй байж болохгүйгээ, ямар сайн үр дүн авчрахыг, зорилгодоо хүрэх алхмуудаа бодоод сүүлд нь алхам хий.
Энэ мэт өдөр бүр зорилгодоо хүрэх нэг л алхам хийгээд байхад чи эрт, орой хэзээ нэг цагт хүрч л таарна. Бүх л зүйлд уйгагүй, давтамжит байдал хэрэгтэй.
Үйлдэл хийж эхлэхэд зүгээр сууж байх үед чинь бодогдож байсан айдас, хулчгар байдал, санаа зоволтууд илт багасдаг гэдгийг үүнийг хэрэгжүүлж эхлээд чи ойлгох болно оо.
Ингээд амжилт бүсгүйчүүд ээ! Санасан бүхэн чинь сэтгэлчлэн бүтэх болтугай.
