Гудамжны бүжигчин З.Чингүүнийг бид “Gillette” брэндийн нүүр царайгаар ажиллаж байснаар нь сайн мэднэ. Солонгос улсад бүжигчний чиглэлээр суралцдаг тэрбээр дуучин Хён Жүний хэдхэн хоногийн өмнө цацагдсан “Let Me Drown” дууны бүжгийг хамтран дэглэсэн байна.
Тус дууны клипэнд Сүхээ хэмээх Монгол залуу мөн арын бүжигчний үүргийг гүйцэтгэжээ. Дуучин Хён Жүний хувьд “The Boyz” хамтлагийн экс гишүүн бөгөөд гурав дахь сингл цомгоо гаргаж байгаа аж.
Бүжигчин З.Чингүүн дэлхий дахинаа цацагдан алдартай болоод буй “Street Fighter” бүжгийн шоунд “SMVK” хамтлагийн залуусын хамтаар орох гэж байгаагаа мөн зарласан байна. Хэдхэн жилийн өмнө Солонгосын хамтлаг дуучид л алдартай байсан бол сүүлийн үед тэдний ард бүжиглэдэг бүжигчид ч мөн адил дэлхийн хэмжээнд хүрсэн гэдгийг уг шоугаар батлан харуулсан бөгөөд 2021 онд цацагдсан “Street Women Fighter” багагүй дуулиан тарьсан билээ.
Харин энэ оны зургаадугаар сард “Street Men Fighter” зохион байгуулагдах тов гараад байгаа бөгөөд үзэгчдийн зүгээс өндөр хүлээлттэй байгаа аж. Үүгээр дамжуулан зарим бүжигчид дуучдаас илүү алдар нэртэй болоод байгаа бөгөөд бид тун удахгүй алдартай шоуны тайзнаас Монгол залуугийнхаа гал гарсан өрсөлдөөнийг харах боломжтой болох нь ээ.
Дэглэсэн бүжиг
