“Жем Интернэшнл” ХХК болон Монголын Үндэсний Бөхийн Холбоо хамтран зохион байгуулдаг Улсын Харцага цолтны хүндэтгэлийн барилдаан 15 дахь удаагаа Монгол бөхийн өргөөнд 2022 оны 01-р сарын 16-нд 12:00 цагаас зохион байгуулагдах гэж байна.
Тус барилдаан нь сар шинийн баярын өмнөх хамгийн том сорилго барилдаан гэдгээрээ онцлогтой бөгөөд Харцага цолтнууддаа хүндэтгэл үзүүлэхээр улс, аймгийн алдар цолтой 256 бөх зодоглох юм.
15 жилийн түүхтэй тус барилдаан нь 2006 онд анх зохион байгуулагдсан бөгөөд улсын харцага Г.Элбэг түрүүлж, начин Ду.Батбаяр үзүүрлэж байсан түүхтэй. Харин 2020 онд зохион байгуулагдахад МУ-ын харцага Оргихын Хангай найм даван түрүүлж, МУ-ын арслан Пүрэвийн Бүрэнтөгс долоо даван үзүүрлэж байсан билээ.
Тасалбарыг бөхийн өргөөний касс болон https://www.ticket.mn/-ээс захиалан үзэх боломжтой.
