Гуравдугаар сарын 31-нд хуримаа хийсэн шинэхэн хосууд болох Хён Бин, Сон Еэ Жин нар дөрөвдүгээр сарын 11-нд бал сараа тэмдэглэхээр Америкийг зорьсон. Хоёулхнаа цагийг өнгөрөөхөөр шийдсэн хосууд ямар ч менежергүйгээр явсан бөгөөд LA дахь нисэх онгоцны буудал дээр фенүүд нь болон сурвалжлагчид тосон авсан байна.
Зарим фенүүд нь тэдэнд цэцгийн баглаа бэлэглэж байсан бөгөөд хамтдаа зураг авахуулж, гарын үсгийг нь авч байжээ. Ингэхдээ авч яваа тээшийг нь унагах шахам түлхэлцэж, тун ч тухгүй байдал үүсгэсэн бөгөөд менежерийн ямар нэгэн тусламж байхгүй байсан учир эмх замбараагүй байдал үүссэн аж. Энэ нь хосуудыг багагүй тавгүйтүүлжээ.
Хосууд Los Angeles-т хоёр долоо хоногийг өнгөрүүлнэ. Найзуудтайгаа гольф тоглох төлөвлөгөө хуваарьт багтсан учир өөрсдийн гольфийн хэрэгслээ мөн авчирсан байна.
