Жэссика Биел гэрлэлтийнхээ тухай анх удаа АМ НЭЭЛЭЭ

Жүжигчин Жэссика Биел дуучин Жастин Тимберлэйктэй эхлүүлсэн амьдралынхаа тухай анх удаагаа ам нээлээ.

2012 онд Италид тансаг хурим хийсэн хосууд Силас, Финнеас хэмээх хөвгүүдтэй болсон бөгөөд Жэссика гэрлэлтдээ сэтгэл хангалуун байдаг тухайгаа дурджээ.

Тэдний гэрлэлт өгсөлт болон уруудалт дунд арван жилийг өнгөрүүлжээ. Жэссика Биел “Access Hollywood”-д өгсөн ярилцлагадаа “Заримдаа арван жил нүд ирмэхийн зуур өнгөрсөн юм шиг санагддаг бол зарим үед өө бурхан минь арван жил чинь хүний амьдралын бүхэл бүтэн нэг үе шүү дээ гэж бодогддог. Бид бусдын л адил сайн муу үеийг туулж байсан. Би үнэхээр бахархдаг. Би хамгийн аз жаргалтай, амьдралд хайртай нэгэн болсон” хэмээжээ.

Харин түүний ярьсан уналтын үе нь өнгөрсөн жил болсон бөгөөд Жастин Тимберлэйк дуучин Бритни Спирс болон Жанэт Жэксон нараас олон нийтийн сүлжээгээр дамжуулан уучлалт гуйсан нь тэдний гэр бүлд хүнд цохилт болсон аж.

Үүнээс хойш Жастин Тимберлэйк уран бүтээлээсээ түр хугацаанд завсарлага аваад байгаа бөгөөд бүх цаг үед Жэссика Биел түүний хажууд байх болно гэдгээ амласан байна.