Олон үндэстний хөгжмөөр уран бүтээлээ туурвидаг Францын “Meikhaneh” хамтлаг хоёр монгол яруу найрагчийн дөрвөн шүлгээр дуу бүтээжээ. Тодруулбал, нэрт зохиолч, яруу найрагч Д.Урианхай, зохиолч, орчуулагч, яруу найрагч Л.Өлзийтөгсийн хоёр хоёр шүлгээр дуу бүтээж, энэ онд хийх “Chants du dedans, chants du dehors” нэртэй шинэ цомогтоо багтаасан байна.
“Meikhaneh” уран бүтээлдээ олон үндэстний соёлыг нь нэвтрүүлсэн үзэгч, сонсогчдын анхаарлыг татаж байгаа бөгөөд тус хамтлаг нь монгол үндэстний хөөмий, морин хуурыг уран бүтээлдээ ашиглах нь олон. Монгол яруу найрагчдын дөрвөн шүлгээр бүтээсэн дуу багтсан “Meikhaneh” хамтлагийн “Chants du dedans, chants du dehors” цомог ирэх зургадугаар сарын 10-нд Парис хотод нээлтээ хийх юм.
Уншигч та бүхэнд яруу найрагч Л.Өлзийтөгсийн шүлгээр бүтээсэн “Meikhaneh” хамтлагийн нэгэн дууг хүргэе.
Л.ӨЛЗИЙТӨГС
Өвс бүхэн мод.
Чулуу болгон уул.
Өргөн энэ ертөнцийн
Юм бүхэн төв.
Өд бүхэн шувуу.
Шувуу болгон тэнгэр.
Өгөөмөр энэ амьдралын
Өдөр бүхэн шинэ.
