Яг одоо арга мухардчихаад яахаа мэдэхгүй шаналан сууна уу? Найз нь чинийхээ зовлонг сонсохгүй ээ. Харин яг одоо яагаад урагшлах ёстойг чинь сануулмаар байна.
1. Эх түүхээ судла
Бидний амьдарч буй энэ сайхан тайван цагийг бий болгохын тулд өвөг дээдэс маань хэрхэн амь биеэ зольж байсныг, өнөөгийн энэ байдал бидэнд ямар үнэ цэнэтэй олдсон гэдгийг хүн бүр судлах хэрэгтэй. Учир утгыг нь ойлгож чадвал чиний амьдрал ямар их үнэ цэнэтэй болохыг мэдрэх болно.
2. Бүх зүйлийн учрыг олох гэсний хэрэггүй.
Өнгөрсөн зүйл нэгэнт эргээд ирэхгүй. Тухайн үед болсон зүйл үйл хөдлөл, үг хэллэгтэйгээ тэндээ үлдсэн гэдгийг ойлго. Тиймээс өнгөрсөнд болсон бүх зүйлийн учрыг олох гэж өөрийн толгойгоо гашилгах хэрэггүй. Зүгээр л өнгөрсөнд нь үлдээ. Хэрэв чи бүх зүйлийг эргэцүүлж бодох юм бол хэзээ ч урагшлахгүй. Зөвхөн өнөөдөр, эсвэл ирээдүйдээ санаа зов. Өнгөрсөнд болсон зүйлийн төлөө шаналлаа гээд байдал өмнөхөөсөө дээрдэхгүй.
3. Амьдрал чиний төсөөлж байгаагаас чинь илүү богинохон
Чи хэн нэгэнд өөрийнхөө бүтэлгүй байдлыг талаар гомдоллох гэж байгаа бол яг одоо боль гэж хэлмээр байна. Өөрөөр хэлбэл амьдрал чамд гомдоллож суух илүү цаг өгөөгүй. Харин үүний оронд өмнөхөөсөө улам их хичээ. Чиний өнгөрч буй цаг, минут, хором бүр ямар нэг ашигтай зүйлд зарцуулагдах ёстой гэдгийг сана. Чамд ухрах биш, урагшлах л зам байна.
4. Чиний өнгөрсөн бүхэн чамд сургамж өгнө.
Битгий зогсонги байдлаар амьдар. Өдөр хоног бүрийг ямар нэг байдлаар урагшилж өнгөрүүл. Урагшлах гэдэг заавал бодит зүйлийг хэлж байгаа юм биш. Өдөр ганц ч муу бодол бодохгүй байна гэдэг өөрөө маш том дэвшил юм. Муу бодол муу зүйлд хөтөлдөг. Тиймээс өгөрсөн дэх бүтэлгүйтэл, алдаагаа өнөөдөр мартаж, ардаа үлдээ. Бодол санаагаа аз жаргалаар эмчил. Гаргасан алдаагаа мартаж чадахгүй шаналах нь өөрийгөө улам л сул дорой болгож буйн илрэл юм.
5. Бүхнийг амжуулах гэсний хэрэггүй
. Хүн бүрийн баярласан зовсон бүхнийг чи хуваалцаж чадахгүй. Тэр бүгдийг хяналтандаа байлгана гэдэг үнэндээ бүтэшгүй зүйл юм. Сүүлийн үед хэрээс хэтэрсэн үдэшлэг цэнгээн, найз нөхдийн төрсөн өдөр, хурим найр гээд л ар араасаа цуварч байгаа бол үүнийг өөртөө эргэцүүлэх цаг иржээ. Бүх зүйлд байлцах гэсний оронд эхлээд би энд заавал байх хэрэгтэй бил үү? гэж өөрөөсөө асуу. Хэрэв нэг их чухал биш байвал урагшлах замдаа ор.
6. Өнгөрснийг өөрчилж болохгүй
Чи ганцаараа харанхуй өрөөнд суугаад өнгөрсөн дэх амьдралаасаа зөвхөн сайн сайхан, гэрэл гэгээтэй зүйлээ бодохыг хичээгээрэй. Өөрийн гаргаж байсан хамгийн зөв үйлдэл, амжилт бүтээл зэрэг сайхан бүхнийг бодож үз. Хэсэг хугацааны дараа харанхуй өрөө хэрхэн гэрэлтэй мэт болж байгааг мэдрээрэй. Яг үүнтэй адил итгэл найдвар байхад бэрхшээл тулгарсан ч асуудал шийдэгдэнэ гэдэгт итгэлтэй бай. Тийм үед чи урагшлах л болно.
7. Мянга мянган боломж чамайг хүлээж байна
Хэрвээ чи мөрөөдөлтэй, зорилготой, түүгээрээ өдөр бүр жигүүрлэдэг бол өнөөдөр чиний халаас хоосон байсан ч хамаагүй чамд төсөөлж байгаагүй тийм их боломж чамайг хүлээж байна. Шинэ харилцаа, карьерь, нийгэмд эзлэх байр суурь эзнээ хүлээж байгаа гэдэгт итгэ. Бүх хүнд зориулагдсан тавагтай “хоол” байдаг. Харин түүнд хүрч идэж чадах эсэх нь л чиний асуудал. Тиймээс суралцахад, бодож сэтгэхэд, шинэ санаа гаргахад үргэлж цаг гарга. Тэдгээр нь өөрсдөө чиний урагшлах ёстой шалтгаанууд болно.
8. Ертөнц чиний гэрэл гэгээгээр дутна: Өнөөдөр чи яагаад урагш тэмүүлэх ёстой гэж үү? Учир нь хорвоо чамаар дутах учраас. Чиний хүч чадал, инээмсэглэл, бодол санаа, оюун ухаанаар хорвоо дутна. Энэ хорвоод чи ирэх ёстой болоод л ирсэн. Тиймээс өөрийн зүгээс үлдээж чадах зүйлээ хорвоод үлдээ. Бас чамд хэн нэгэн дурлах гээд хаа нэгтэйгээс хайсаар яваа шүү гэдгийг хэлмээр байна.
Амьдралд уйлах 100 шалтгаан байхад, инээх 1000 шалтгаан байдаг нь сайхан хэрэг шүү.
Goolingoo.mn
