Бага байхааасаа л бид жимс, ногоог хангалттай хэмжээгээр идэх нь ямар ач тустай талаар заалгаж өссөн… Гэхдээ өдөрт яг хэр хэмжээний жимс идвэл хангалттайд тооцогдохыг чи мэдэх үү?
Ерөнхийдөө, 19-30 насны эмэгтэй өдөрт 2 аяга жимс идэх нь зохистой гэдэг. Энэ хэмжээ чамд маш их юм шиг санагдаж байвал дараах зурагнуудыг хараад “Боломжийн юм байна” гэсэн бодол төрнө гэдэгт итгэлтэй байна. Магадгүй чи өөрөө ч мэдэлгүй “нормоо биелүүлж” байгаа. Аяга авч хэмжих гэсний хэрэггүй-Энд бид чамд зориулан эрүүл амьдрахын тулд өдөрт идэх ёстой жимс, жимсгэний чинь “нүдэн барагцаа”-г цуглуулсан юм.
Доорх зураг тус бүр чиний өдөрт идэх жимсний 1/2-ийг илтгэнэ. Өдөр, оройн хоолон дээрээ тус бүр зурган дээрх шиг хэмжээтэй жимснээс 1, 1 порцыг идэхэд хэрэгцээ хангагдана гэсэн үг. Гэхдээ аль болох хольж хэрэглэх нь зүйтэй. Өөрөөр хэлбэл, 2 гадил жимс идэхийн оронд 1 гадил, 1 алим идсэн нь дээр юм.
Жич: Дараагийн удаад өдөрт авах ёстой хүнсний ногооны хэмжээг барагцаалсан мэдээлэл хүргэх болно.
