Сассексийн гүн Харри, гүнгийн авхай Меган Маркл нар охин Лилибетийнхээ анхны төрсөн өдрийг тэмдэглэсний дараа түүний зургийг хуваалцжээ. Лилибетийн төрсөн өдрийг Виндзорын ойролцоох эдлэнд зохион байгуулсан юм.
Гэрэл зургийг гүнгийн гэр бүлийн найз, мэргэжлийн зурагчин Мисан Харриман авчээ. Төрсөн өдрийн бялууг хосуудын хуримын бялууг урласан талхчин Клэр Птак хийсэн тухай гүнгийн хэвлэлийн төлөөлөгч хэллээ.
Ханхүү Харри, Меган нар бяцхан охиноо Хатан хааныг бага насанд нь гэр бүлийнхэн нь дууддаг байснаар Лилибет гэж нэрлэсэн юм. Охины хоёр дахь нэрийг эмээгийнхээ дурсгалыг хүндэтгэж Диана хэмээн оноосон.
Лилибет Хатан хааны 11 дэх гуч бөгөөд хаан ширээг залгамжлах найм дахь хүн юм. Түүний ах Арчи 2019 оны тавдугаар сард төрсөн билээ.
Хааны гэр бүлээс гарч АНУ-д амьдрах болсон гүнгийн гэр бүл Хатан хаан II Элизабет сэнтийд заларсаны 70 жилийн ойд зориулсан ёслолд оролцохоор Лондонд ирээд байгаа юм.
