Парисын загварын долоо хоног энэ өдрүүдэд үргэлжилж буй билээ. Харин өнөөдрийн шоу тэр чигтээ цуцлагдсан байна.
Учир нь Туркын загвар зохион бүтээгч Хакаан Юльдирим өнөөдөр цувралаа танилцуулах байсан боловч 2013 оны хавар, зуны бүх загварууд нь хулгайлагдсан гэнэ.
Тэрбээр энэ бүхэнд туйлын бухимдалтай байгаа бөгөөд “Би бүхэл бүтэн хувцасны цуглуулгаа алдчихаад байна” хэмээжээ. Зохион байгуулагчид ч мөн яах учраа олохгүй байгаа төдийгүй “Хакааны бүх загвар хулгайлагдсан. Ямар шалтгаанаар хэн авсныг нь үнэхээр бодоод олохгүй байна” гэж хэвлэлийнхэнд ярьжээ.
Дашрамд дуулгахад, өнгөрсөн арваннэгдүгээр сард нэрт загвар зохион бүтээгч Марк Жакоб, Лондоны загварын шоунд оролцсоныхоо дараа хувцаснуудаа алдаж байсан удаатай аж.
