Охид хамгийн их хүсдэг зүйл ээж эгч нар шигээ нүүрээ будаж, эрхэмсэг дээгүүр алхах билээ. Өсвөр насны охид анх удаа нүүрээ будахдаа насандаа тохироогүй будаг хэрэглэх, арьсны онцлог оо мэдэхгүй учир буруу бүтээгдэхүүн хэрэглэснээр арьсаа гэмтээх тохиолдох байдаг. Тиймээс энэ удаа нүүрээ будахаар төлөвлөж багаа охиддоо зөвлөгөө өгч байна.
Арьсаа оношлох
Нүүрээ будах бэлтгэх хийхдээ хамгийн түрүүнд арьсаа оношилж, ямар төрлийн арьстай, ямар төрлийн бүтээгдэхүүн тохирохыг мэдэж аваарай.
Насанд тохирсон бүтээгдэхүүн
Дөнгөж нүүрээ будахаар бэлдэж байгаа таны нүүрэнд хүрэх будаг таны насны онцлогт таарсан бүтээгдэхүүн байх хэрэгтэй гэдгийг санаарай. Үнэтэй эсвэл хямдханаасаа илүүтэйгээр хамгийн эхэнд арьсандаа таараах эсэхэд анхаараарай. Болж өгвөл эхний ээлжид мэргэжлийн нүүр будагчийн зөвлөгөө аваарай.
Нүүр будалт
Хүссэн хүлээсэн нүүрээ будах цаг боллоо. Нүүрээ будахдаа насны онцлог доо тохируулсан аль болох зөөлөн, энгийн харагдах будалтыг сонгоорой. Хэт тод өнгийн будаг таныг хөгшин харагдуулах талтай гэдгийг болоорой.
Уруулаа тод өнгөөр битгий будаарай
Арьсны онцлог, төрлүүд
Ердийн арьс: Харахад өнгөлөг, нүхжилт багатай, өөрийгөө хамгаалах чадвартай, эрүүл арьс байдаг. Ийм арьсанд ихэнхдээ батга үрэвсэл гардаггүй, цусны эргэлт сайтай.
Хуурай арьс: Нүх сүв нь үл мэдэгдэм, бараг нүхжилтгүй, угаасны дараа таталддаг, үрчлээс үүсэх хандлагатай, сэвхтэмтгий, батга үрэвсэл ихэнхдээ гардаггүй, гялгар бус бүүдгэрдүү хөрстэй, чийгшил бага хуримтлагддаг учир байнга аргаж таталдах, хогжруутах, эмзэгдүү улайлт өгч хорсох хандлагатай байдаг. Уян хатан чанар дутмаг байдаг тул зөв арчлаагүйн улмаас эрт үрчлээс үүсэж хөгшрөх сөрөг талтай.
Тослог арьс: Энэ арьс нь өөхний булчирхайн идэвхтэй үйл ажиллагааны улмаас тос ихээр ялгаруулж арьсанд тос болон чийгшлийг ихээр хуримтлуулсан байдаг учир, батга гарч үрэвсэх хандлагатай, нүхжилт томорсон, ихэнхдээ зузаан харагддаг.
Холимог арьс: Ихэвчлэн дух, хамар, эрүүгээрээ тослогдсон, нүхжилтэй, батга их гардаг. Бусад хэсгээрээ хуурайшсан, эсвэл ердийн хэв шинжтэй.
Эмзэг мэдрэмтгий арьс: Ерөнхийдөө хуурай арьсны шинж чанартай ба гаднын таагүй нөлөөнд амархан цочирч улайлт өгч, загатнах, хорсох, харшлах шинжтэй, арьсны зарим хэсгээр хялгасан судас тэлсэн, үрэвссэн байдаг.
