Экс нөхөртэйгөө хийсэн шүүхийн маргаанд ялагдал хүлээсэн жүжигчин Амбер Херд 8.4 сая ам.долларын нөхөн төлбөр төлөх өртэй болсон. Түүнд энэ хэмжээний хөрөнгө байхгүй учир хорголоо тоолох болсон тухай хэвлэлүүд онцолж эхэлсэн бөгөөд хөрөнгөө барсан Амбер Херд хямдралтай барааны дэлгүүр хэсэж байхдаа папарацид өртжээ.
Орон нутгийн цагаар өнгөрөгч пүрэв гарагт Хэмптонс дахь хямдралтай барааны их дэлгүүр болох TJ Maxx-д дүү Уитни Хэнриксийн хамтаар явж байсан тэрээр тун ч энгийн хувцаслажээ. Жонни Депптэй байх хугацаандаа тансаг зэрэглэлийн брэндийн хувцсаар гоёдог байсан түүний өрөө барагдуулах цор ганц арга нь орон сууц эзэмшигчийн даатгалд найдах хэмээн эх сурвалжууд дурдаж байна.
Тэрээр “Aquaman” киноны нэгдүгээр ангиас 1 сая доллар, хоёрдугаар ангиас 2 сая ам.долларын цалин авчээ. Мөн 2016 онд Жонни Деппээс салахдаа 7 сая ам.доллар авсан бөгөөд тус мөнгөө иргэний эрх чөлөөний холбоо болон хүүхдийн эмнэлэгт хандивлана хэмээж байсан ч шилжүүлээгүй болох нь шүүх хурлын үеэр тогтоогдсон билээ.